Foto: primeminister.kz
Saýda jáne integratsiia ministrligine jańa basshy taǵaiyndaldy, - dep habarlaidy "Ult aqparat" Aqordanyń baspasóz qyzmetine silteme jasap.
"Arman Abaiuly Shaqqaliev Qazaqstan Respýblikasynyń caýda jáne integratsiia ministri laýazymyna taǵaiyndalsyn", - delingen Jarlyq mátininde.
Arman Shaqqaliev 1977 jyly Qaraǵandy oblysynyń Balqash qalasynda dúniege kelgen.
L. N. Gýmilev atyndaǵy Eýraziia ýniversitetin, E. A. Bóketov atyndaǵy Qaraǵandy memlekettik ýniversitetin, M. Dýlatov atyndaǵy Qostanai injenerlik-ekonomikalyq ýniversitetin bitirgen.
Eńbek jolyn Astana qalasy jáne Aqmola oblysy boiynsha "Kásiporyndardy qaita uiymdastyrý jáne taratý agenttigi" AAQ zań keńesshisi bolyp bastaǵan.
2001-2002 jyldary - QR Memlekettik materialdyq rezervter jónindegi agenttiktiń bas mamany, bólim bastyǵy.
2002-2004 jyldary - QR Memlekettik kiris ministrligi Dármensiz boryshkerlermen jumys jónindegi komitettiń dármensiz kásiporyndardy taldaý jáne monitoringileý basqarmasynyń basshysy.
2004-2006 jyldary - "Qazaqstan metrologiia institýty" RMK direktory.
2006-2007 jyldary - Dármensiz boryshkerlermen jumys jónindegi komitet tóraǵasynyń orynbasary.
2007-2008 jyldary Qarjy, Ekonomika jáne Biýdjettik josparlaý ministrlikteriniń, "QazAgro" holdingi qurylymdarynda basshylyq laýazymdarda jumys istedi.
2008-2016 jyldary - "Qazaqstan standarttaý jáne metrologiia institýty" respýblikalyq memlekettik kásipornynyń direktory.
2016-2018 jyldary - Eýraziialyq ekonomikalyq komissiianyń Tehnikalyq retteý jáne akkreditteý departamentiniń direktory.
2018-2019 jyldary - QR Investitsiialar jáne damý ministrliginiń Tehnikalyq retteý jáne metrologiia komitetiniń tóraǵasy.
2019-2020 jyldary QR saýda jáne integratsiia ministrligi Tehnikalyq retteý jáne metrologiia komitetiniń tóraǵasy qyzmetin atqardy.
2020 jyldyń qarasha aiynan bastap Eýraziialyq ekonomikalyq komissiianyń Básekelestik jáne monopoliiaǵa qarsy retteý jónindegi alqa múshesi boldy.
Ol buǵan deiin Saýda jáne integratsiia ministrliginde birinshi vitse-ministr qyzmetin atqarǵan edi.
