Qyzylordada 70 jastaǵy áieldiń úiin 19 mln teńgege satý týraly mámile sot sheshimimen jaramsyz dep tanyldy, dep habarlaidy ult.kz.
Áiel úiin satýǵa nieti bolmaǵanyn, ulynyń qaryzyn óteý úshin baspanasyn kepilge qoidym dep oilaǵanyn aitqan. Jasy ulǵaiyp, kórý jáne estý qabileti nasharlaǵandyqtan, notariýsta qandai qujatqa qol qoiǵanyn durys túsinbegen.
Úsh jarym jyldan astam ýaqyt boiy ol úiinde turyp, kommýnaldyq tólemderdi ózi tólegen. Al úidi «satyp alǵan» adam bul ýaqyt ishinde baspanany paidalanbaǵan.
Sot 19 mln teńgeniń shyn máninde áieldiń ulyna berilgen qaryz bolǵanyn anyqtady. Mámile osy qaryzdy qamtamasyz etý úshin jasalǵan.
Sot satyp alý-satý shartyn jaramsyz dep tanyp, qart áieldiń úige degen quqyǵyn qalpyna keltirdi. Apelliatsiialyq jáne kassatsiialyq satylar bul sheshimdi ózgerissiz qaldyrdy.
