Qaraǵandy oblysynyń Sátbaev qalasynda «Shansiman» júk kóligi jaiaý júrginshiler ótkelinen ótip bara jatqan adamdy qaǵyp ketken. Ol alǵan jaraqattarynan qaitys boldy, dep habarlaidy QazAqparat.
Áleýmettik jelilerde Sátbaevta bolǵan jol-kólik oqiǵasynyń videosy paida boldy. Kadrlarda júk kóliginiń júrgizýshisi baiaý qozǵalǵanyn kórýge bolady. Alaida aýyr kólikti toqtata almai, nátijesinde adamdy qaǵyp ketken. Jaiaý júrginshi alǵan jaraqattarynan qaitys boldy.
«Bul júrgizýshi jyldamdyqty asyrmaǵan, alaida kólik quraly men júktiń erekshelikterin eseptemegen jáne ýaqtyly tejeý sharalaryn qoldanbaǵan jaǵdaidy kórip otyrmyz. Jol qozǵalysy erejelerinde júrgizýshi qozǵalys qarqynyn, kólik quraly men júktiń erekshelikteri men jai-kúiin, jol jáne meteorologiialyq jaǵdailardy eskere otyryp, kólikti shekteýden aspaityn jyldamdyqpen júrgizýi kerek», - dedi Qaraǵandy oblysy politsiia departamentiniń anyqtaý basqarmasynyń bastyǵy Almaz Salamatov.
33 jastaǵy júrgizýshige qatysty qylmystyq is sotqa berildi. QK-niń 345-baby 3-bóligi kinálini 5 jylǵa deiin bas bostandyǵynan aiyrýdy qarastyrady.
