25 qazanda Jezqazǵan-Esil-Petropavl tasjolynda, Sátbaev qalasynan Jezqazǵanǵa shyǵaberiste Mercedes kóliginiń 58 jastaǵy júrgizýshisi qala ataýy jazylǵan arkaǵa soǵylyp, órtenip ketti, - dep habarlaidy "Ult aqparat" Polisia.kz Telegram-arnasyna silteme jasap.
"Sátbaev qalasynan Jezqazǵan qalasyna shyǵaberiste, 58 jastaǵy Mercedes avtokóliginiń júrgizýshisi kólik tizginine ie bola almai, qala ataýy jazylǵan arkaǵa soǵylǵan. Jol-kólik oqiǵasy kezinde kólik órtenip, júrgizýshi oqiǵa ornynda qaitys boldy", - delingen habarlamada.
Ulytaý oblystyq Politsiia departamenti atalǵan derek boiynsha tiisti saraptamalar taǵaiyndalyp, tergeý amaldary júrip jatqanyn málimdedi.
