Búgin túnde Sátbaev qalasynda belgisiz bireý 41 jastaǵy qala turǵynyn atyp óltirdi. Er adam oqiǵa ornynda kóz jumdy, dep habarlaidy "Ult aqparat".
20 tamyz kúni saǵat 01.00-de belgisiz tulǵa atys qarýyn qoldanyp, Sátbaev qalasynyń 41 jastaǵy turǵynyn óltirdi.
Atalǵan fakti boiynsha QR QK-niń 99-baby «Adam óltirý» áreketi boiynsha qylmystyq is tirkeldi.
«Oqiǵa ornynda Qaraǵandy oblysy Politsiia departamentiniń jáne Sátbaev qalasynyń politsiia basqarmasynyń jedel-tergeý toptary jumys isteýde. Jasalǵan qylmystyń túrli nusqalary tekserilýde», - dep habarlady Qaraǵandy oblysy Politsiia departamentiniń baspasóz qyzmeti.
Qazirgi ýaqytta atalǵan qylmysty ashýǵa baǵyttalǵan barlyq qajetti tergeý-jedel is-sharalary júrgizilýde.
