Foto: ashyq derekkózden
Sátbaev qalasynyń turǵyny Aidana Saparbekova tanymal bloger Darhan Jolshybekovten balasy baryn aitady. Ol óz máselesin aityp, "Kóremiz" baǵdarlamasyna júgindi, - dep habarlaidy Massaget.kz.
Aidana Saparbekovanyń sózinshe, osydan 5 jyl buryn kásipker Darhan Jolshybekovpen kóńil jarastyrǵan, búginde onyń 5 jastaǵy qyzyn tárbielep otyr. Biraq millioner bloger 8 aidan beri tuńǵyshyna tek 15 365 teńge kóleminde aliment tóleidi eken.
Aidana baǵdarlama barysynda Darhanmen qalai tanysqanyn da aitty.
"Bir kafede daiashy bolyp jumys istedim. Sol jerge kelgen. Sol jerden bastap tanystyq. Meni jumystan alyp ketetin, aparyp tastaityn. 2017-de. 2017 jyldyń ortasynda Tarazdan ketip qaldym. Tarazda júrip júrgen kezde "úilenemin" dep júrdi. Mamasymen tanystym, telefon arqyly ǵana. Aǵasymen bylai kezdesip tanystym. "Úilenemin, aiaǵyń aýyr bolady" dep sóitip júrgen", - deidi ol.
Baǵdarlama málimetinshe, olar tórt ai kezdesip, ekige ketken. Al Aidana aiaqasty júkti ekenin biledi. Osylaisha, Darhanǵa habarlasqan.
"Ózine aiaǵym aýyr ekenin eskerttim. "Aldyryp tasta" dedi. Toǵyz ai boiy osy jaqta júrgende eshkimge aitqan joqpyn. Eshkim aiaǵym aýyr ekenin bilgen joq. Týatyn kúni bir kún qalǵan kezde úidegilerge aittym", - deidi Aidana.
Aidana qazir qyzyn ózi asyrap otyr. 8 ai buryn ol Darhandy aliment alý úshin sotqa bergen. Bala men Darhannan DNQ synamasy alynǵan. Al silekei synamasynyń qorytyndysy bala blogerden ekenin dáleldegen.
Aidananyń ápkesi Symbat Saparbekova alimentti kóbeitýdi surap otyr. Óitkeni kishkentai balaqai áli sóilemeidi eken.
Bul rette, Symbat Saparbekova blogerdi qalai sotqa bergenderin aitty.
"Ákemiz qarsy boldy. "Tegin de almaimyz" dedi. Segiz ai buryn ǵana ákemiz ruqsatyn berdi. Sosyn "aliment tólesin, tegin bersin" dep sotqa júgindik. Sol kezde tegin berdi. "Jumys istemeimin" eń tómengi ailyǵym 60 myń dep, qyzǵa 15 263 teńge me sondai aliment tóleidi", - deidi ápkesi.
Al Aidananyń sózinshe, bosanǵannan keiin Darhan ózi habarlasqan, qyz bir jasqa kelgenshe olar sóilesip turǵan.
"Kelemin" dedi. "Kómektesemin" dedi. "Tegimdi beremin" dedi. Moiyndady (balany - esk.)", - deidi ol.
Al sot barysynda Darhan Aidanaǵa "bir bólmeli úi beremin" degen. Biraq bul oraida blogerdiń sharty bolǵan.
"Sen meni búkil jerden joq qylyp tastaisyń, meni izdemeisiń, áleýmettik jelige meniń qyzym ekenin salmaisyń" dedi. "Bárinen bas tartasyń" dedi. Men qarsy boldym", - deidi Aidana.
"Kóremiz" baǵdarlamasy blogerdi shaqyrǵan. Darhan redaktsiiaǵa kelgen. Alaida suhbat berýge kelispegen.
Endi Aidana Darhannan qyzynyń emine kómek suraidy.
