Sátbaev qalasynda kóshede er adamdy atyp ketti, - dep habarlaidy Tengrinews.kz agenttigi.
Oqiǵanyń videosy áleýmettik jelide jariialandy. Video avtorlarynyń aitýynsha, atys Ulytau mall saýda ortalyǵynyń aldyndaǵy alańda bolǵan.
Eskertemiz: videoda beiádep sózder bar
Kadrlardan jerde jaraqat alǵan er adamnyń jatqanyn, ótip bara jatqandar onyń jarasyn tańyp, qandy toqtatýǵa tyrysqany kórsetilgen.
Videoǵa qatysty Ulytaý oblystyq PD baspasóz qyzmeti jaýap berdi.
"Atalǵan derek boiynsha QR Qylmystyq kodeksiniń 24-99-babymen "Adam óltirýge oqtalý" qylmystyq is qozǵaldy. Qazirgi ýaqytta kúdiktini anyqtaý jáne ustaý boiynsha jedel-izdestirý sharalary júrgizilip jatyr. Oqiǵanyń mán-jaiy anyqtalady", - dep habarlady Ulytaý oblystyq Politsiia departamentiniń baspasóz qyzmeti.
Ulytaý oblysynyń densaýlyq saqtaý basqarmasy jaralanǵan jigittiń 1998 jyly týǵanyn, ol Jezqazǵan oblystyq kópsalaly aýrýhanasynyń jedel járdem bólimine jetkizilgenin aitty.
"Atylǵan oqtan oń jambasyna jáne jynys múshelerine zaqym kelgen. Sonymen qatar arqa tusy men eki jaýyryn aralyǵyna pyshaq jaraqaty salynǵan. Hirýrgter kómek kórsetip jatyr", - dedi Ulytaý oblysynyń densaýlyq saqtaý basqarmasynyń ókili.
