Áýe shabýylyna qarsy áskerleriniń qolbasshysy general-maior Qairat Sadyqovtyń basshylyǵymen Saryshaǵan poligonynda S-300 zenittik-zymyran keshenin baqylaý synaqtary ótkizildi, dep habarlaidy "Ult aqparat" QR Qorǵanys ministrliginiń baspasóz qyzmetine silteme jasap.
Synaqtar Áýe shabýylyna qarsy áskerlerin jaýyngerlik tehnikamen qaita qarýlandyrý josparyna sáikes ótkizildi jáne keshenniń jaýyngerlik ázirlik barlyq júieleri men parametrleriniń qyzmet atqarýy, tekserý, jónge salý jáne retke keltirý maqsatynda uiymdastyryldy.
Budan buryn S-300 –di áýe shabýylyna qarsy júielerin jóndeý men qyzmet kórsetýge baǵyttalǵan otandyq kásiporyn – «Granit» arnaiy konstrýktorlyq –tehnologiialyq biýrosynyń negizinde kúrdeli jóndeý jumystarynan ótkizilgen.
Qabyldaý-tapsyrý synaqtarynyń qorytyndysy boiynsha zenittik -zymyran kesheni paidalanýǵa jáne ózine arnalǵan qyzmetti atqarýǵa jaýyngerlik kezekshilikke túsýge ázir.
S-300 zenittik-zymyran kesheni áýe shabýylyna qarsy jedel jáne kópkanaldy júiesi bolyp tabylady. Ol aýqymdy maqsattardy joiýǵa, birden alty maqsatty 30 dan 1200 m/s jyldamdyǵyna deiin ushyp obektilerdi joiýǵa qabiletti.
Atalǵan keshen qazirgi zamanǵy Qazaqstan qarý-jaraq tehnikalardyń qatarynda bar jáne álemdegi eń qýatty áýe shabýylyna qarsy qýatty júie bolyp esepteledi.
