«Saryarqa» gaz qubyry Nur-Sultandaǵy jylý tarifine qalai áser etedi? Jylý magistraline jasalǵan baspasóz týry barysynda tilshilerdiń bul suraǵyna QR UEM Tabiǵi monopoliialardy retteý, básekelestikti jáne tutynýshylar quqyǵyn qorǵaý komitetiniń tóraǵasy Asan Darbaev jaýap berdi, dep habarlaidy QazAqparat.
«Qoldaǵy málimetke sáikes, alǵashqy gaz qubyrlary osy jyldyń jeltoqsan aiynda paidalanýǵa beriledi. Qazirgi ýaqytta gaz qubyry jylý tarifine qanshalyqty áser etetinin aitý qiyn. Sebebi bul jumystardyń ózindik quny, gaz qubyrynyń balanstyq quny jaily material joq. Gazdy jetkizý jumysymen «QazTransGaz» kompaniiasy ainalysyp jatyr. Olarda naqty tasymaldaý boiynsha búkil Qazaqstanda tarif quny birdei. «QazTransGaz» kompaniiasy jetkizý qyzmetin senimdi basqarýǵa beretin bolsa, tiisinshe olardyń tarifteri qymbattai beredi. Alaida gazdy jetkizý kúrdeli desek te, tariftiń ósýine sonshalyqty áser ete qoimaidy. Sol sebepti sońyna deiin jetkizile qoimaǵan jumysqa bailanysty aldyn ala birdeńe deý qiyn», - dedi Asan Darbaev.
Komitet tóraǵasynyń aitýynsha, astanaǵa gaz kelgennen keiin jylý tarifiniń naqty qalai ózgeretinin boljaýǵa áli erte.
Eske sala ketsek, buǵan deiin elordada jylýǵa jaýapty «Astana-Teplotranzit» AQ 2020 jyldyń 1 qańtarynan bastap tarifti 18 paiyzǵa kóterýdi suraǵaly otyrǵanyn habarlaǵan bolatynbyz. Al «Astana-Teplotranzit» AQ basshysynyń qurylys jónindegi orynbasary Qurmanǵazy Nuǵymanovtyń aitýynsha, astananyń jylý magistraldaryn jańǵyrtý jumystary 1 qazanda aiaqtalady.
