«سارىارقا» گاز قۇبىرى نۇر-سۇلتانداعى جىلۋ تاريفٸنە قالاي ەسەر ەتەدٸ? جىلۋ ماگيسترالٸنە جاسالعان باسپاسٶز تۋرى بارىسىندا تٸلشٸلەردٸڭ بۇل سۇراعىنا قر ۇەم تابيعي مونوپولييالاردى رەتتەۋ, بەسەكەلەستٸكتٸ جەنە تۇتىنۋشىلار قۇقىعىن قورعاۋ كوميتەتٸنٸڭ تٶراعاسى اسان دارباەۆ جاۋاپ بەردٸ, دەپ حابارلايدى قازاقپارات.
«قولداعى مەلٸمەتكە سەيكەس, العاشقى گاز قۇبىرلارى وسى جىلدىڭ جەلتوقسان ايىندا پايدالانۋعا بەرٸلەدٸ. قازٸرگٸ ۋاقىتتا گاز قۇبىرى جىلۋ تاريفٸنە قانشالىقتى ەسەر ەتەتٸنٸن ايتۋ قيىن. سەبەبٸ بۇل جۇمىستاردىڭ ٶزٸندٸك قۇنى, گاز قۇبىرىنىڭ بالانستىق قۇنى جايلى ماتەريال جوق. گازدى جەتكٸزۋ جۇمىسىمەن «قازترانسگاز» كومپانيياسى اينالىسىپ جاتىر. ولاردا ناقتى تاسىمالداۋ بويىنشا بٷكٸل قازاقستاندا تاريف قۇنى بٸردەي. «قازترانسگاز» كومپانيياسى جەتكٸزۋ قىزمەتٸن سەنٸمدٸ باسقارۋعا بەرەتٸن بولسا, تيٸسٸنشە ولاردىڭ تاريفتەرٸ قىمباتتاي بەرەدٸ. الايدا گازدى جەتكٸزۋ كٷردەلٸ دەسەك تە, تاريفتٸڭ ٶسۋٸنە سونشالىقتى ەسەر ەتە قويمايدى. سول سەبەپتٸ سوڭىنا دەيٸن جەتكٸزٸلە قويماعان جۇمىسقا بايلانىستى الدىن الا بٸردەڭە دەۋ قيىن», - دەدٸ اسان دارباەۆ.
كوميتەت تٶراعاسىنىڭ ايتۋىنشا, استاناعا گاز كەلگەننەن كەيٸن جىلۋ تاريفٸنٸڭ ناقتى قالاي ٶزگەرەتٸنٸن بولجاۋعا ەلٸ ەرتە.
ەسكە سالا كەتسەك, بۇعان دەيٸن ەلوردادا جىلۋعا جاۋاپتى «استانا-تەپلوترانزيت» اق 2020 جىلدىڭ 1 قاڭتارىنان باستاپ تاريفتٸ 18 پايىزعا كٶتەرۋدٸ سۇراعالى وتىرعانىن حابارلاعان بولاتىنبىز. ال «استانا-تەپلوترانزيت» اق باسشىسىنىڭ قۇرىلىس جٶنٸندەگٸ ورىنباسارى قۇرمانعازى نۇعىمانوۆتىڭ ايتۋىنشا, استانانىڭ جىلۋ ماگيسترالدارىن جاڭعىرتۋ جۇمىستارى 1 قازاندا اياقتالادى.
