Túrkistan oblysy Saryaǵash aýdanynyń kásipkeri piste satyp alamyn dep 57 mln teńgege aldanyp qalǵan. Ol Nur-Sultan qalasynyń turǵynyna qomaqty aqshany salyp jiberip, keiin qaitaryp ala almaǵan, dep habarlaidy QazAqparat.
Oblystyq PD baspasóz qyzmetiniń málimetinshe, ótken jyldyń qarasha aiynda Saryaǵash aýdanynyń turǵyny politsiiaǵa aryzdanǵan.
Shaǵyn kásipkerlikpen ainalysatyn ol Nur-Sultan qalasynda piste ónimin arzan baǵada satatyn adam baryn estip, oǵan 500 tonna pistege tapsyrys bergenin jetkizgen.
Sóitip telefonmen tildesken satýshynyń esepshotyna 57 million teńgeden astam aqshasyn aýdaryp jibergen.
Alaida aradan 20 shaqty kún ótse de, piste ónimin almaǵan. Ne bolmasa aqshasyn qaitarmaǵan.
Asa iri mólsherdegi alaiaqtyq qylmysyn ashýǵa oblystyq tergeý basqarmasynyń qyzmetkerleri men aýdandyq politsiianyń jedel-tergeý toby jumyldyrylǵan.
Tártip saqshylary qajetti is-sharalardy júzege asyryp, alaiaqtyq jasaǵan jas jigitti 3 táýlik ishinde Nur-Sultan qalasynan ustaǵan.
Ony Saryaǵash APB-ne jetkizip, kúdikti óz kinásin tolyǵymen moiyndaǵan.
Osy is boiynsha naqty dálelder sotqa joldanyp, oǵan qatysty úkim shyqqan.
Tergeý barysynda kúdiktiniń úlken kólemdegi qarajatty kórip, oiy ózgerip, jeńil jolmen aqsha tapqysy kelgeni belgili bolǵan.
Sondai-aq, jábirlenýshiniń aqshasyn óz qajetine jumsap jibergen. Onyń úiin tintý kezinde tek 20 million teńge aqsha tabylǵan.
Qalǵan aqshaǵa «ShevroletMalibu», «ChevroletTracker» markaly jeńil avtokólikterin jáne sońǵy úlgidegi «iPhone 11 Pro», «Samsung» markaly uialy telefondar satyp alǵany anyqtalǵan.
Aqshanyń qalǵan bóligin tanystaryna qaryzǵa bergen bolyp shyqty.
Saryaǵash aýdandyq soty 24 jastaǵy kúdikti jigitti QR QK 190-babymen kináli dep tanyp, 4 (tórt) jylǵa bas bostandyǵyn shekteý jazasyn taǵaiyndaǵan.
Sebebi, jábirlenýshi tarap sotta aiyptalýshyǵa keshirim bergen.
