Saryaǵash aýdanynda elektro-sháinek jáne eden súrtkish jabdyǵyn qurastyratyn tseh óz jumysyn bastady, dep habarlaidy «Ult aqaparat» Túrkistan oblysynyń Óńirlik kommýnikatsiialar qyzmetine silteme jasap.
«Bah_Asmar» JShS-na qarasty óndiris orny kúnine 600-700 dana elektro-sháinek jáne 10 000 dana eden súrtkish shyǵarady. Tseh 15 adamdy turaqty jumyspen qamtyp otyr. Aldaǵy ýaqytta jeke kásipker Q.Egemberdiev óz kásibin ulǵaityp, óndiris qýattylyǵyn kúnine 2 600 danaǵa jetkizip, qosymsha jumys ornyn ashýdy josparlap otyr.
Seriktestiktiń jumysymen tanysqan aýdan ákimi M.Otarshiev óńirde kásiptiń kózin tapqan jas kásipkerlerdiń sany kún sanap artyp jatqanyn aitty.
«Suranysqa ie ónimniń eń bastysy otandyq ekendigi kóńil qýantady. Bastysy halyqqa qoljetimdi baǵada, sapaly bolsa, basty jetistik osy. Aldaǵy ýaqytta óz isin bastaǵan kásipkerge aýdan ákimdigi tarapynan memlekettik qoldaý kórsetiletin bolady», - dedi aýdan basshysy.
