«Sary» jáne «jasyl» aimaqtaǵy óńirlerde karantin rejimi barynsha jumsartylǵanyna bailanysty monitoringilik toptardyń jumysy kúsheitildi. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy QazAqparat.
«Sary» jáne «jasyl» aimaqtaǵy óńirlerde karantin rejimi barynsha jumsartylǵanyna bailanysty monitoringilik toptardyń jumysy kúsheitildi. Degenmen shekteý sharalarynyń buzýshylyqtary azaiǵan joq. Osylaisha, aqpan aiynda qańtarmen salystyrǵanda reidter sany 1,3 ese artty (16261-den 20663 reidke deiin), al shekteý sharalary buzýshylyqtarynyń úlesi 3,6% qurady», - deidi QR Densaýlyq saqtaý ministri Aleksei Tsoi.
Onyń aitýynsha, jeke tulǵalarǵa salynǵan aiyppuldar sany 1,7 esege ósti (779-dan 1330 adamǵa deiin).
«Áleýmettik-ekonomikalyq nysandardyń qyzmetine shekteý sharalaryn engizýdi jeńildetý, halyqtyń áleýmettik belsendiligin arttyrý koronavirýs infektsiiasynyń taralý qaýpiniń artýyna ákelýi múmkin. Osyǵan bailanysty aimaq ákimderi men Ishki ister ministrliginen monitoringilik toptardyń jumysyn kúsheitý jáne sharalar qabyldaý úshin sanitarlyq-epidemiologiialyq qyzmetke materialdardy jiberýdi tapsyramyn», - deidi ol.
