Nur-Sultan koronavirýstyń taralý qarqyny boiynsha taǵy da «sary» aimaqqa ótti, dep habarlaidy QazAqparat.
15 jeltoqsannan bastap elorda epidemiologiialyq jaǵdaidy baǵalaý matritsasyna sáikes «jasyl» aimaqta boldy.
Alaida, búgingi tańda koronavirýstyń damý qarqyny boiynsha Rt reprodýktivti sany-1,019 qurady, soǵan sáikes Nur-Sultan qalasy «sary» aimaqqa ótti.
Rt reprodýktivti kórsetkishi - aimaqtardy anyqtaý kriteriileriniń biri.
Aptalyq aýrýshańdyqty salystyra otyryp, shamaly ósim baiqaldy, sondyqtan bir apta ishinde COVID-19-dyń 564 jaǵdaiy tirkeldi (aldyńǵy apta – 542 jaǵdai).
Koronavirýspen syrqattanýdyń qarqyndy kórsetkishi tiisinshe 47,5 jáne 45,6 qurady, iaǵni syrqattaný kórsetkishi aldyńǵy aptadan 4% joǵary boldy.
Bul Rt sanynyń 1-den joǵary ósýine jáne «jasyl» aimaqtan «saryǵa» aimaqqa aýysýyna ákep soqty.
Bir táýlik ishinde alǵashqy zerthanalyq rastalǵan 85 jaǵdai tirkeldi (simptomdary bar 58 jaǵdai, 27 simptomsyz jaǵdai), ósim – 0,05%.
Aýrýdyń kóbeiýiniń negizgi sebepteri - ádettegidei mereke kúnderi keibir turǵyndardyń karantin shekteýlerin saqtamaýy.
Iaǵni, adam kóp jinalatyn jerlerge barýynan, betperde taqpai júrýinen, naýqastardyń da, jaqyn bailanysta bolǵan adamdardyń da úi karantini rejimin saqtamaýynan boldy.
Taralý qaýpin jáne ádettegidei mereke kúnderinen keiin koronavirýstyń oń jaǵdailaryn tirkeý sanynyń artýyn eskere otyryp, syiymdylyǵy 50% deiin, biraq 70 orynnan aspaityn, kelýshiler men ondaǵy qyzmetkerlerde tek «jasyl» mártebe bolatyn «Ashyq» jobasyna qatysatyn obektilerdi sanamaǵanda, ótkiziletin jappai is-sharalarǵa, onyń ishinde otbasylyq, korporativtik is-sharalarǵa tyiym salynady.
Sondai-aq, túrli toptar men uiymdardyń balalarynyń qatysýymen jalpymekteptik jáne ujymdyq tańertengilikterdi uiymdastyrýǵa jáne ótkizýge tyiym salynady.
Aldaǵy mereke kúnderi monitoring toptarynyń jumysy kúsheitilmek.
Saýda jáne basqa da obektilerdiń ieleri karantindi buzbaýǵa, barlyq sanitarlyq normalardy saqtaýǵa tiis.
Nur-Sultan qalasynyń sanitariialyq-epidemiologiialyq baqylaý departamenti ótken mereke kúnderi halyqtyń basym kópshiligi karantindik sharalardy saqtaǵan jaǵdaida, elordanyń «sary» aimaqqa ótýine jol bermeýge bolatynyn habarlaidy.
Alaida, bári birdei jaýapkershilik tanyta qoimady, osylaisha elordanyń uzaq 7 ai boiy (10 naýryzdan 26 qazanǵa deiin) turǵan «qyzyl» aimaqqa jaqyndaý qaýpin arttyrdy.
«Aldaǵy jańajyldyq merekeler epidemiologiialyq jaǵdaidyń nasharlaýyna jáne koronavirýs infektsiiasynyń kóbeiýine ákelmeýi kerek ekenin este ustaǵan jón. Al ol bizdiń júris-turysymyz ben karantin sharalaryn saqtaýdaǵy jaýapkershiligimizge bailanysty. Sondyqtan, qala turǵyndaryn jańa jyldy týystarymen birge kishigirim ortada ǵana qaýipsiz atap ótýge shaqyramyz» dep eskertedi sanitarlyq-epidemiologiialyq baqylaý komiteti.
