Foto: Qorǵanys ministrliginiń baspasóz qyzmetinen
4 myńnan astam jastyń 1,5 mlrd teńge somasyndaǵy nesiesi shegerildi, - dep habarlaidy 24KZ arnasy.
Bul – Otan aldyndaǵy boryshyn óteýge attanǵan jaýyngerlerge jasalǵan jeńildik.
Aita ketý kerek, byltyr kóktemgi jáne kúzgi áskerge shaqyrý naýqanynyń qorytyndysy boiynsha 37 myńnan astam azamat merzimdi boryshyn óteýge attanǵan. Onyń 16 myńy elimizdiń Qarýly Kúshterine jiberilse, qalǵan 21 myńy Ulttyq ulan, shekara qyzmeti, memlekettik kúzet qyzmeti men tótenshe jaǵdailar ministrliginiń áskeri bólimderin tolyqtyrdy.
Áskerge baryp kelgenderge bilim alý jeńildikterin berý men sarbazdardy jumysshy mamandyqtaryna oqytý jaiy da qarastyrylǵan. Máselen, ótken jyly 615 adam UBT tapsyrmai, azamattyq jáne áskeri ýniversitetterge oqýǵa túsken.
"Oqý ortalyqtarynda ekonomikanyń naqty sektorynda suranysqa ie 15 áskeri-eseptik mamandyq boiynsha 1195 áskeri qyzmetshi daiyndaldy. Merzimdi áskeri qyzmettiń áskeri qyzmetshileri memleket esebinen zattai múlikpen, tamaqpen jáne ai saiynǵy aqshalai úlespen qamtamasyz etiledi. Tehnikalyq, kásiptik, joǵary bilimi bar áskeri qyzmetshiler 6 ai qyzmet ótkergennen keiin kelisimshart boiynsha áskeri qyzmetke kirýge quqyly. Ótken jyly bul múmkindikti 852 sarbaz ielendi", - deidi Qorǵanys ministrliginiń baspasóz hatshysy Rýslan Jangýlin.
