Saraishyqta kanaldy jyrý arqyly sý deńgeii tómendetilip jatyr

Sýret: Astana.tv

Saraishyq kanalynda sý deńgeiin baqylaýda ustaýǵa ázirge Qursai kanalyn jyrýdyń kómegi tiip tur, dep habarlaidy "Ult aqparat" Atyraý oblysynyń TJ jónindegi jedel shtabyna silteme jasap.

Saraishyq aýyldyq okrýginiń ákimi Jannat Kenjeǵalieva aitýynsha, 7 mamyrdan beri táýlik boiy kezekshilik uiymdastyrylyp, tosyn jaǵdailardy dereý joiýǵa den qoiylǵan.

"Qursai kanalynyń boiyn birneshe jerden jyrý nátijesinde kelip jatqan mol sý sai salaǵa jaiylyp jatyr.
Degenmen, qaýipti aýmaqtardaǵy jańadan soǵylǵan baldardan sý shyǵyp ketken jaǵdailar boldy. Sol sebepti  qosymsha bekitý jumystaryn úzdiksiz júrgizip jatyrmyz. 7 mamyrdan beri táýlik boiy uiymdastyrylyp jatqan kezekshilik te tosyn jaǵdailardy dereý joiýǵa kómegin berýde", - dedi Saraishyq aýyldyq okrýginiń ákimi Jannat Kenjeǵalieva.

Eske sala ketelik, Saraishyq aýylyndaǵy Qursai kanalynyń jalpy uzyndyǵy 53 shaqyrym. Kanal boiynda 11  sharýa qojalyǵy bar. Bastaýyn Saraishyq aýylyndaǵy Jaiyqtan alatyn kanal Beibarys aýylyna jaqyn jerdegi Túieshi qystaǵynan  aiaqtalady.