سارايشىقتا كانالدى جىرۋ ارقىلى سۋ دەڭگەيٸ تٶمەندەتٸلٸپ جاتىر

سۋرەت: Astana.tv

سارايشىق كانالىندا سۋ دەڭگەيٸن باقىلاۋدا ۇستاۋعا ەزٸرگە قۇرساي كانالىن جىرۋدىڭ كٶمەگٸ تيٸپ تۇر, دەپ حابارلايدى "ۇلت اقپارات" اتىراۋ وبلىسىنىڭ تج جٶنٸندەگٸ جەدەل شتابىنا سٸلتەمە جاساپ.

سارايشىق اۋىلدىق وكرۋگٸنٸڭ ەكٸمٸ جاننات كەنجەعاليەۆا ايتۋىنشا, 7 مامىردان بەرٸ تەۋلٸك بويى كەزەكشٸلٸك ۇيىمداستىرىلىپ, توسىن جاعدايلاردى دەرەۋ جويۋعا دەن قويىلعان.

"قۇرساي كانالىنىڭ بويىن بٸرنەشە جەردەن جىرۋ نەتيجەسٸندە كەلٸپ جاتقان مول سۋ ساي سالاعا جايىلىپ جاتىر.
دەگەنمەن, قاۋٸپتٸ اۋماقتارداعى جاڭادان سوعىلعان بالداردان سۋ شىعىپ كەتكەن جاعدايلار بولدى. سول سەبەپتٸ  قوسىمشا بەكٸتۋ جۇمىستارىن ٷزدٸكسٸز جٷرگٸزٸپ جاتىرمىز. 7 مامىردان بەرٸ تەۋلٸك بويى ۇيىمداستىرىلىپ جاتقان كەزەكشٸلٸك تە توسىن جاعدايلاردى دەرەۋ جويۋعا كٶمەگٸن بەرۋدە", - دەدٸ سارايشىق اۋىلدىق وكرۋگٸنٸڭ ەكٸمٸ جاننات كەنجەعاليەۆا.

ەسكە سالا كەتەلٸك, سارايشىق اۋىلىنداعى قۇرساي كانالىنىڭ جالپى ۇزىندىعى 53 شاقىرىم. كانال بويىندا 11  شارۋا قوجالىعى بار. باستاۋىن سارايشىق اۋىلىنداعى جايىقتان الاتىن كانال بەيبارىس اۋىلىنا جاقىن جەردەگٸ تٷيەشٸ قىستاعىنان  اياقتالادى.