"Sarapshylar jańa jyldan keiin benzinniń de, dizeldi otynnyń da baǵasy óse beretinin aitady", - dep habarlaidy "Ult aqparat" Astana arnasyna silteme jasap.
Bir jyldyń ishinde ótimdi AI-92 benzininiń baǵasy aitarlyqtai ósken. Resmi derekterge qaraǵanda, óndirýshilerdiń baǵasy 13,7 paiyzǵa kóterilip otyr. Qazir bul otyn 133 pen 140 teńge aralyǵynda.
«Suranysqa ie AI-92 janarmaiynyń 1 litri 150 teńge bolady degen boljam bar. Al tapshylyqty joiý úshin munai óńdeitin qosymsha zaýyt salý máselesine keletin bolsaq, oǵan úzdiksiz shikizat jetkizip turý kerek. Kompaniialarǵa baǵa jaǵynan zaýytqa satý tiimsiz bolsa, ony qaidan alamyz? Sondyqtan shikizatty óńdeýge jetkizý qarjylyq turǵydan tiimdi bolmai, qosymsha zaýyt salý týraly sóz qozǵaý orynsyz», — deidi munai-gaz salasynyń sarapshysy Kamilla Manakova.
