Birikken Ulttar Uiymynyń Vaktsinalardyń qaýipsizdigi jónindegi kishi komitet músheleri COVID-19 vaktsinatsiiasyn alǵannan keiin keibir naýqastarda kezdesetin tumaý belgilerine uqsas janama áserler týraly málimetterdi zerttedi. Sarapshylar bul simptomdar qaýipti emes jáne aǵzanyń vaktsinaǵa qalypty reaktsiiasy degen qorytyndyǵa keldi. Bul týraly BUU jańalyqtary saitynda habarlandy.
Kishi komitet músheleri vaktsinanyń klinikalyq synaqtary barysynda alynǵan derekterdi zerdelep, olardy janama áserler týraly birneshe elden kelip túsken habarlamalarmen salystyrǵan. Simptomdardyń qatarynda bas aýrýy, álsizdik, bulshyqet aýrýy, dene qyzýy jáne qaltyraý bar. Olar álsiz nemese ortasha dárejede bilinýi múmkin, ádette birneshe kún ishinde ketedi. Mundai janama áserler 55 jasqa deiingi naýqastarda jii kezdesedi.
DDSU kishi komitetiniń músheleri tumaýǵa uqsas belgiler kez kelgen ekpege immýndyq jaýaptyń kórinisi bolýy múmkin ekenin atap ótti. COVID-19-ǵa qarsy vaktsinalarǵa keletin bolsaq, olardyń pikirinshe, mundai janama áserler «kútilgen jaǵdai». DDSU sarapshylary vaktsinalaýdyń qaýipsizdigi men tiimdiligi kórsetkishterin eskere otyryp, ekpe saldyrýǵa taǵy da keńes berýde. Qazirgi ýaqytta sarapshylar buǵan deiin ázirlengen usynystarǵa ózgeris engizý qajet dep sanamaidy.
Sonymen birge, olar patsientterge tumaýǵa uqsas belgiler týraly habarlaýǵa jáne qajet bolǵan jaǵdaida olarǵa meditsinalyq kómek kórsetýge keńes beredi. Sarapshylar vaktsinanyń birinshi dozasyn engizgennen keiin paida bolǵan sipattalǵan jaǵymsyz qubylystar ekinshi dozany salýǵa kedergi bolmaýy tiistigin atap kórsetedi.
