Ulttyq saraptama ortalyǵy Almatydaǵy aýanyń lastaný deńgeii joǵary ekenin anyqtady.
Jyldyq josparǵa sáikes, Ulttyq saraptama ortalyǵy qalanyń aýa basseininiń jai-kúiin anyqtaý úshin zerthanalyq monitoring júrgizdi.
2019 jyldyń birinshi jartysynda atmosferalyq aýaǵa 1576 zertteý júrgizildi, onyń ishinde 431 synamada sáikessizdik anyqtaldy.
«Zertteý barysynda atmosferalyq aýanyń sanitarlyq normalaryna sáikes emestigi anyqtaldy. Azot dioksidi mólsheri ruqsat etilgen kontsentratsiiadan 2,2 ese, kúkirt dioksidi 1,2 jáne kómirtek totyǵy 1,4 eseden asty. Bul lastaýshy zattar negizinen ekologiialyq qaýip týǵyzyp, adam densaýlyǵyna keri áser etedi», - dep habarlaidy Ulttyq sarpatama ortalyǵy.
Sondai-aq, atmosferalyq aýadaǵy kómirtek totyǵy adamǵa sezilmeidi. Alaida, ol dene tinderinde otteginiń jetispeýshiligin týdyrady. Bul kezde adamnyń basy aýyryp, júregi ainyp, esinen tanýy múmkin.
«Azot dioksidiniń aýada bolýy kómirtegi shyǵaratyn gazdarmen áreketteskende fotohimiialyq tumannyń paida bolýyna yqpal etedi. Azot dioksidi - bul sarǵysh-qońyr tústi gaz, ol kórý qabiletin nasharlatady, aýaǵa qońyr reń beredi, óte ýytty, bronhit aýrýyn týdyrady jáne aǵzanyń tynys alý organdaryndaǵy aýrýlarǵa tótep berýin tómendetedi», - dep túsindirdi mamandar.
Sarapshylar Almatydaǵy aýanyń lastanýynyń negizgi sebepterin atady. Ol - avtokólik qozǵalysy kezinde bólinetin kómirtek jáne kásiporyndardan shyǵatyn ziiandy zattar. Mamandar kóptegen kásiporyndar áli kúnge deiin eskirgen tehnologiiamen jumys isteitinin atap ótti.
Ult aqparat
