Foto:elements.envato.com
Táýelsiz qarjy sarapshysy Andrei Chebotarev Qasym-Jomart Toqaevtyń bastamasy aiasynda 18 jasqa tolǵan balalardyń esepshotynda qansha aqsha jinalýy múmkin ekeni týraly óz pikirin bólisti, - dep habarlaidy Tengrinews.kz agenttigi.
Mamannyń aitýynsha, 18 jasqa deiin balalar qansha aqsha jinai alatynyn eshkim boljai almaidy.
"Birinshiden, qor naryǵy. Ulttyq qorymyz obligatsiialarǵa, aktsiialarǵa jáne basqa da baǵaly qaǵazdarǵa investitsiialanady, al qor naryǵynyń ósý, quldyraý ereksheligi bar. Mysaly, biyl olar quldyrap jatyr. Tabysqa eshkim kepildik bere almaidy jáne boljai almaidy.
Mysaly, Norvegiialyq qor (Norvegiianyń Memlekettik zeinetaqy qory, álemdegi eń iri egemendi qor – esk.) biyl rekord 144 milliard dollar shyǵyn kórsetip otyr. Bul kóp. Al shyǵyn bolsa, bul investitsiialyq kiris múlde joq degendi bildiredi", - dedi Andrei Chebotarev.
Bul rette Chebotarev demografiianyń ósýin umytpaýǵa keńes beredi, bul baǵdarlamanyń júzege asýyna áser etýi múmkin. Sarapshy balalardyń jinaqtary boiynsha boljamdy esepteý jasaǵan.
"Bizdiń boljamdy esepteýlerimiz boiynsha, investitsiialyq kiristiń jinaqtalýy jylyna 720 million dollar bolady. Eger qazirgi balalar sanyna bólseńiz jáne onyń (investitsiialyq kiris) shamamen ózgerissiz qalatynyn esepteseńiz, 18 jasqa deiin ol úsh myń dollardan sál az shyǵady. Biraq kóbisi umytyp ketetin ekinshi óte mańyzdy nárse bar. Qazir Ulttyq qordan kóp qarjy alyp jatyr. Keiingi segiz jylda alǵash ret biyl Ulttyq qordan salǵan qarjydan az qarajat alyndy. Keiingi 8 jylda Ulttyq qordy júieli túrde jep kelemiz. Bul ózimiz investitsiialyq kiristi tómendetemiz degen sóz. Meniń oiymsha, bul, negizinen, óte qyzyq qadam, ol Ulttyq qordy aqshalai alǵanda sonshalyqty kóp shyǵynǵa ushyratpaidy - jylyna 720-800 million dollar aimaǵynda", - dep esepteidi Chebotarev.
