Senattyń jalpy otyrysynda «Qazaqstan Respýblikasynyń keibir zańnamalyq aktilerine jer qatynastary máseleleri boiynsha ózgerister men tolyqtyrýlar engizý týraly» zań jobasy birinshi oqylymda talqylandy. Jiyn barysynda Aýyl sharýashylyǵy ministri Saparhan Omarov qazirgi kezde sheteldikterge jalǵa berilgen alqap týraly aitty, dep habarlaidy QazAqparat.
«Qazirgi ýaqytta jalpy aýdany 74,4 myń gektar aýyl sharýashylyǵy maqsatyndaǵy jerdi sheteldik qatysýy bar jeti zańdy tulǵa jalǵa alyp otyr. Onyń ishinde Jambyl oblysynda aýyl sharýashylyǵyna arnalǵan aýdany 5,9 myń gektardy 1 kásiporyn, Pavlodar oblysynda aýdany 32,2 myń gektar aýyl sharýashylyǵyna paidalanylatyn jeri bar 1 kásiporyn, Atyraý oblysynda 1,6 myń gektar jer 1 kásiporynda jáne Aqmola oblysynda jalpy alańy 34,7 myń gektardy quraityn aýyl sharýashylyǵy maqsatyndaǵy 4 kásiporyn bar», - dedi Omarov.
Sonymen qatar ministr eki sheteldik kompaniia jumys isteitinin, bul Shyǵys Qazaqstan oblysynda 14,9 myń gektar alqapta 1 kásiporyn jáne Jambyl oblysynda 3,6 myń gektar alqapta 1 kásiporyn bar ekenin aitty.
Osy oraida ol bul jerlerdiń barlyǵy memleketke qaitarylatynyn naqtylady.
«Osy kompaniialar bul jerlerdi moratorii engizilgenge deiin jalǵa alǵan. Bul rette osy sheteldik kompaniialardyń aýyl sharýashylyǵy jerleriniń jaldaý merzimderi 2022 jyldan bastap 2025 jylǵa deiingi kezeńde aiaqtalady. Tiisinshe, jalǵa alý merzimi aiaqtalǵannan keiin jańa merzimge uzartylmaidy, óitkeni búgingi kúni talqylanǵan zań jobasy sheteldik jer paidalanýshylarǵa jáne ártúrli birlesken kásiporyndarǵa jer berýge tolyq tyiym salýdy qarastyrady», - dedi Saparhan Omarov.
