QR Premer-Ministriniń orynbasary Berdibek Saparbaev dene shynyqtyrý men sportty damytý máseleleri boiynsha kóshpeli keńes ótkizdi, dep habarlaidy "Ult aqparat".
Keńeske qatysýshylar buqaralyq sportty damytýdyń odan ári damytý sharalaryn, ulttyq qurama komandalardyń 2020 jyly Tokioda ótetin Olimpiada oiyndary men Paralimpiada oiyndaryna daiyndyǵy jáne basqa da ózekti máselelerdi talqylady.
Keńeste QR mádeniet jáne sport ministri Aqtoty Raiymqulova, Ulttyq Olimpiada komitetiniń sport direktsiiasynyń direktory Elsiiar Qanaǵatov, Ulttyq Paralimpiada komitettiń atqarýshy direktory Erlan Súleimenov, sondai-aq, sport federatsiialarynyń ókilderi men ulttyq qurama komandalardyń bas jattyqtyrýshylary sóz sóiledi.
«Ózderińiz biletindei, el basshylyǵy buqaralyq sportty jáne joǵary jetistikter sportyn damytý jóninde naqty mindetter qoidy. Buqaralyq sport salasyndaǵy basym baǵyt ‒ el halqynyń júieli dene shynyqtyrýmen jáne sportpen ainalysýyn arttyrý. Biyl bul kórsetkish 30%-ǵa jetýi kerek», — dedi B. Saparbaev.
Sonymen qatar, ol 2020 jylǵy Olimpiada oiyndaryna litsenziialardyń az alynǵanyna nazar aýdardy.
«Olimpiada oiyndaryna 8 ai qaldy, bizdiń sportshylar 21 litsenziia jeńip aldy. Rio-de-Janeirodaǵy Olimpiadaǵa deiin bizde osyndai ýaqytta 45 litsenziia bolǵan. Sizderdiń aldaryńyzda kem degende 100 litsenziiany jeńip alý mindeti tur», — dedi vitse-premer.
A. Raiymqulovanyń aitýynsha, elimizde 38 myń sport ǵimaraty bar, onyń ishinde 27 myńy ‒ bilim berý nysandary, 11 myńy ‒ sport nysandary. Statistikaǵa sáikes, 5,5 mln qazaqstandyq dene shynyqtyrýmen jáne sportpen turaqty ainalysady.
Ministr buqaralyq sportty damytýǵa kedergi keltiretin máselelerdiń qatarynda nusqaýshylar men ádiskerlerdiń jetispeitindigine toqtaldy. Ásirese, Aqmola oblysynda mamandar jetispeidi.
«Sporttyq qural-jabdyqtarmen jaraqtandyrýdy da jaqsartý artyq etpeidi. Bizdiń málimetterimiz boiynsha mektepterdiń tek 66%-y ǵana arnaiy sporttyq jabdyqtarmen jaraqtandyrylǵan», — dedi ol.
Óz kezeginde E. Qanaǵatov Tokio Olimpiadasynda 33 sport túrinen 339 medal jiyntyǵy oinalatynyn aitty. Alǵash ret 5 sport túri qosyldy, atap aitsaq: karate, quzǵa órmeleý, beisbol, skeitbording jáne serfing.
«Rio-de-Janeirodaǵy Olimpiadadan keiin aldaǵy Olimpiada oiyndaryna daiyndyq boiynsha keshendi sharalar ázirlendi. Eń aldymen, bizdegi álsiz pozitsiialar bar salalarǵa nazar aýdardyq ‒ bul sport meditsinasy jáne sportshylardyń jattyǵýy úshin jaǵdai jasaý. Qazir sporttyń barlyq túrlerinde qurama komandalarda dárigerler, massaj jasaýshylar, dietologtar jáne basqa da mamandar bar, olar jattyǵý jiyndary men jarystarda komandalardy súiemeldep júredi. Búginde biz 100-den astam sport meditsinasy mamandaryn tarttyq, olar jattyqtyrýshylar quramymen birge ulttyq qurama komandalardy daiyndaýǵa qatysýda», — dedi E. Qanaǵatov.
Onyń aitýynsha, dopingke qarsy jumysqa erekshe nazar aýdarylady. Osy toqsannyń ózinde 15 seminar ótkizildi. Qazaqstannyń ulttyq dopingke qarsy ortalyǵymen belsendi yntymaqtastyq ornatylǵan.
Biyl qazaqstandyq sportshylar álem chempionattarynda rekordty 19 medal jeńip aldy, bul jaqsy áleýettiń baryn kórsetedi.
Keńesti qorytyndylai kele, vitse-premer barlyq múddeli taraptardyń ózara árekettesýi qajet ekenin atap ótti.
«Beiindi ministrlik, ulttyq olimpiada komiteti, federatsiialar jáne óńirler arasynda tyǵyz ózara is-qimyl ornaýy kerek. Sonda biz jaqsy nátijelerge qol jetkize alamyz. Sonymen qatar, buqaralyq sportty damytýǵa belsendi aralasý qajet. Qazaqstanda 11 myńnan astam sport nysany bar, mektepterdiń 86%-y sport zaldarymen jabdyqtalǵan. Bolashaq chempiondardy tárbieleý úshin balalar men jasóspirimder sportyn damytý qajet, halyq arasynda sport pen salaýatty ómir saltyn nasihattaý kerek. Barlyq múmkindikter jasalǵan. Úkimet federatsiialardy únemi qoldap keldi jáne odan ári qoldai bermek. Bizdiń basty mindetimiz ‒ Tokio Olimpiadasynda Qazaqstandy laiyqty túrde kórsetý», — dep túiindedi B. Saparbaev.
