Úkimet úiinde Premer-Ministrdiń orynbasary Berdibek Saparbaevtyń tóraǵalyǵymen Uly Otan soǵysyndaǵy Jeńistiń 75 jyldyǵyn Qazaqstan Respýblikasynda atap ótý jáne oǵan daiyndyqty uiymdastyrý jónindegi vedomstvoaralyq komissiianyń otyrysy ótti.
Qorǵanys ministriniń birinshi orynbasary - Qarýly Kúshterdiń Bas shtabynyń bastyǵy Murat Bektanov tiisti sharalar Josparynyń jobasy týraly aqparatty usyndy. Atap aitqanda, Jeńistiń mereitolyq jylynda mynadai is-sharalar josparlanǵan:
- áskeri sherý ótkizý;
- UOS jyldary qaza tapqan qazaqstandyq jaýyngerlerdiń eskerilmei qalǵan molalaryn jáne kómilmei qalǵan qaldyqtaryn anyqtaý boiynsha izdeý jumystaryn júrgizý;
- ardagerlerdiń TMD elderiniń aýmaǵynda ótkiziletin sharalarǵa qatysýy;
- ardagerlerge áleýmettik kómek kórsetý;
- mereitoilyq medaldar tapsyrý, mádeni-buqaralyq sharalar uiymdastyrý.
Jospar jobasynda barlyǵy 67 is-shara qarastyrylǵan.
Berdibek Saparbaev árbir oblysta Jeńistiń mereitoilyq jylyn atap ótýge daiyndyq jónindegi óńirlik komissiialardyń jumysyn uiymdastyrý qajettigin aitty.
Sonymen qatar, vitse-premer Eńbek jáne halyqty áleýmettik qorǵaý ministrligine ákimdiktermen jáne «QR Ardagerler uiymy» RQB Ortalyq keńesimen birge Jeńistiń 75 jyldyǵyna orai UOS ardagerleri men múgedekterine birdei bir rettik tólem somasyn belgileý máselesin pysyqtaýdy tapsyrdy.
«UOS ardagerlerin, tyl eńbekkerlerin, tarihi missiiany oryndap, fashizmdi jeńýge úles qosqan qazaqstandyqtardy ardaqtaý - jalpymemlekettik aýqymdaǵy shara. Biz kúsh-jigerimizdi olardy jan-jaqty qoldaýǵa baǵyttaýymyz qajet. Eshbir ardager nazardan tys, qamqorlyqsyz qalmaýy tiis», - dedi B. Saparbaev.
Keńesti qorytyndylaǵan vitse-premer Jeńistiń mereitoilyq jylyn atap ótý boiynsha barlyq sharalar elimizdegi qoǵamdyq-saiasi turaqtylyqty qamtamasyz etýge, qoǵamnyń QR Tuńǵysh Prezidenti - Elbasy men Memleket basshysynyń saiasatyna baǵyttalýyna, jas urpaqtyń boiynda ultjandylyq sezimdi nyǵaitýǵa baǵyttalýy tiis ekenin jetkizdi.
VAK otyrysyna sonymen qatar qorǵanys, ishki ister, qarjy, eńbek jáne halyqty áleýmettik qorǵaý ministrlikteriniń, «QR Ardagerler uiymy» RQB Ortalyq keńesiniń jáne basqa da múddeli memlekettik organdardyń ókilderi, sondai-aq oblys ákimderiniń, Nur-Sultan, Almaty, Shymkent qalalarynyń ákimderiniń orynbasarlary qatysty.
