Sanktsiialyq teketires Eýraziialyq ekonomikalyq odaq qyzmetin transformatsiialaýdy talap etedi. Bul týraly «Halyqaralyq qatynastardyń qazirgi zamanǵy júiesindegi Qazaqstan Respýblikasy» atty halyqaralyq konferentsiia barysynda QR Syrtqy ister ministri Muhtar Tileýberdi aitty, dep habarlaidy QazAqparat.
«Qazaqstannyń negizgi strategiialyq seriktesi Resei Federatsiiasymen syndarly ózara is- qimyl burynǵydai qarqyndy damyp keledi. Eýraziialyq integratsiianyń belsendi jaqtaýshysy bola otyryp, elimiz birqatar óńirlik uiymdardyń – Táýelsiz Memleketter Dostastyǵynyń, Ujymdyq qaýipsizdik sharty uiymynyń jáne Eýraziialyq ekonomikalyq odaqtyń negizin qalaýshy boldy», - dedi ministr.
Onyń atap ótýinshe, Qazaqstannyń 2022 jyly TMD-ǵa tóraǵalyǵynyń basty nazary - memleketterdiń turaqty damýynyń basty faktory retinde ekonomikalyq yntymaqtastyqty arttyrý arqyly uiym qyzmetiniń tiimdiligin odan ári arttyrý.
«Sanktsiialyq teketires EAEO qyzmetin shynymen de erkin naryq qurý maqsatynda transformatsiialaý qajettiligin talap etedi. Bul - qaýymdastyq ekonomikalary ósýiniń ómirlik mańyzdy sharty. Uiymnyń negizgi mindetteri beibitshilik pen turaqtylyqty nyǵaitý, múshe memleketterdiń aýmaqtyq tutastyǵy men egemendigin qorǵaý ekenin eskersek, Qazaqstannyń UQShU-ǵa qatysýy ulttyq jáne óńirlik qaýipsizdikti qamtamasyz etý turǵysynan eń mańyzdy baǵyt bolyp sanalady», - dedi Muhtar Tileýberdi.
