Sankt-Peterbýrgte shaǵyn quramda Joǵary eýrziialyq ekonomikalyq keńes (JEEK) otyrysy ótti, dep habarlaidy QazAqparat.
RF Prezidenti Vladimir Pýtin kezdesýdi asha otyryp, aldaǵy jumystyń konstrýktivti sipatqa ie bolatynyna úmittenetinin jetkizdi.
V. Pýtin JEEK qurmetti tóraǵasy Nursultan Nazarbaevqa EAEO qurýǵa bastamashylyq etkeni úshin alǵys aitty.
«Nursultan Ábishuly, bizde barlyǵy jaqsy júrip jatyr. Búgin sizdi Peterbýrgte qurmetti tóraǵa retinde qarsy alǵanymyz úshin óte qýanyshtymyn», - dedi ol Elbasyǵa.
«Áli de sheshimin tappaǵan máseleler bar. Bul túrli shekteýler men alyp tastaýlarmen bailanysty bolyp otyr. Bul kez kelgen ekonomikalyq integratsiialyq birlestikterge qatysty ekenin atap óteiin. Sizben birge osy shekteýlerdi joiý baǵytyna qarai áreket etip kelemiz», - dep atap ótti V.Pýtin.
Sondai-aq, ol búgingi otyrys barysynda aldaǵy kezeńge Eýraziialyq ekonomikalyq komissiia basshylyǵyn sailaý máselesi qaralatynyn aitty.
Sammit jumysyna Belarýs, Qyrǵyzstan jáne Resei prezidentteri - Aleksandr Lýkashenko, Sooronbai Jeenbekov jáne Vladimir Pýtin, sondai-aq Armeniia premer-ministri Nikol Pashinian qatysyp jatyr.
Qazaqstan tarapynan JEEK Qurmetti tóraǵasy, QR Tuńǵysh Prezidenti Nursultan Nazarbaev bardy. Budan bólek, JEEK keńeitilgen otyrysyna Moldova Prezidenti Igor Dodon qatysyp jatyr.
