QR Premer-ministri Asqar Mamin Úkimet otyrysynda eldegi sanitarlyq talaptardyń saqtalýyna monitoring jasaýdy jalǵastyrýdy tapsyrdy, dep habarlaidy QazAqparat.
«Jalpy epidemiologiialyq jaǵdai turaqty. Infektsiialyq aýrýhanalardaǵy oryn - 30 paiyzǵa, al reanimatsiialyq oryndar 27 paiyzǵa tolyq. «Qyzyl aimaqta» 2 óńir – Pavlodar jáne Soltústik Qazaqstan oblystary qalyp otyr, 5 óńir – sary aimaqta, 10 oblys - jasyl aimaqta», - dedi Úkimet basshysy.
Onyń aitýyna qaraǵanda, Eýropanyń birqatar elderinde koronavirýs infektsiiasynyń taralýy jalǵasyp jatyr.
«Sondyqtan sanitariialyq talaptardyń saqtalýyn qamtamasyz etý sharalary jáne olardy monitoring toptarynyń baqylaýy jalǵasýy tiis», - dedi Asar Mamin.
Sondai-aq, Premer-Ministr Pfizer vaktsinasyn aqyly naryq segmentine shyǵarý usynysyn qoldady.
«Pfizer vaktsinasy óńirlerge jiberildi. Sonymen qatar adamdardyń ózderiniń tańdaýy boiynsha, qajet vaktsinany aqyly túrde alý múmkindigi bolý úshin vaktsinany naryq segmentine jetkizý týraly usynysty qoldaimyn. Vaktsinalardy tasymaldaý kezinde jáne qoimalarda saqtaý rejimine erekshe nazar aýdarý qajet. Osyǵan orai aqparattyq túsindirý jumystaryn qamtamasyz etýdi, jáne revaktsinalaýdyń qańidalaryn saqtaýdy suraimyn», - dedi Asqar Mamin.
