Jelide Almaty oblysynyń Raiymbek aýdanynda Naýryz merekesine orai kókpar ótetini týraly beinerolik jariialandy. Sanitarlyq-epidemiologiialyq baqylaý komiteti mundai shara ótkizýdiń qanshalyqty zańdy ekeni týraly jaýap berdi, dep habarlaidy "Ult aqparat".
«Qurmetti Kegen, Raiymbek aýdanlarynyń turǵyndary! Sizderdi naýryz aiynyń 22 juldyzynda, saǵat 10:00-de Raiymbek aýdany, Qaqpaq aýylynda bolatyn salym kókparǵa shaqyramyz. Salym qory – 400 myń teńge, 2 er-toqym, 4 qoi jáne 1 tai. Jalpy júlde qory 800 myń teńge. Attyń aty men jigittiń jigiti synǵa túsetin kún! Kelińizder, qadirli aǵaiyndar!», - dedi Nurlan Esenǵazy esimdi qoldanýshy jelide.
Bul aqparatqa qatysty Sanitarlyq-epidemiologiialyq baqylaý komitetiniń resmi ókili Erjan Baitanaev jaýap berdi.
«Raiymbek aýdanynynyń Bas memlekettik sanitariialyq dárigeriniń 2021 jyldyń 4 naýryzdaǵy №3 «Raiymbek aýdany aýmaǵynda karantin rejimi jáne keibir shekteý sharalaryn engizý týraly» qaýlynyń 4.5 tarmaǵynda «oiyn-saýyq, sport is- sharalarynyń ótkizlýine tyiym salynady» delingen. Videoda kórsetilgen jarystyń ótýine ruqsat berilgen joq. Video boiynsha shara qoldanylady», - deidi ol.
