QR Prezidenti janyndaǵy Qazaqstannyń strategiialyq zertteýler institýty direktorynyń orynbasary Sanat Kóshkimbaev Ýkraina tóńireginde bolyp jatqan jaǵdaiǵa qatysty pikirin bildirdi, dep habarlaidy QazAqparat.
«Mundai jaǵdaida qurban bolǵandardy eskerer bolsaq, problemany sheshý - dialog, kelissóz jáne diplomatiialyq sheshimder arqyly júrgizilýień ońtaily jol. Qazirdiń ózinde tek óana áskeri qyzmetshilerdiń emes, sonymen birge beibit turǵyndardyń mert bolǵanyn kadrlardan kórip otyrmyz. Bul infraqurylymnyń kúireýine alyp kelip, ekonomikaǵa soqqy bolady», -dedi ol.
Sarapshy munyń barlyǵy taraptardy týyndaǵan problamany kelissóz ústeliniń basynda jedel sheshýge itermelýi tiistigin basa aitty.
«Qazaqstan sanktsiialyq saiasatty qoldamaidy. Sanktsiialardyń ózi janjal shielenispei turyp-aq jariia bolǵan edi. Endigi ýaqytta reseilik ekonomikamen bailanysty ekendimizge, Resei negizgi saýda-ekonomikalyq seriktestigimiz bolǵanyna orai bul jaittyń Qazaqstan ekonomikasyna áseri bolatyndyǵy sózsiz. Degenmen, kútý qajet. Sanktsiialardyń barlyq túri áli iske qosylǵan joq. Sol sanktsiialar iske qosylǵanda jaǵdai túsinikti bolady. Munyń ústine ol birneshe kún ǵana áser etpeidi. Onyń uzaqmerzimdi sipattaǵy áseri bar. Sondyqtan Resei ekonomikasy muny qabyldap, oǵan beiimdelýi tiis. Soǵan orai bizge de áseri tiedi. Joǵaryda atap ótkenimdei, bizdiń ekonomikamyz ben Reseidiń ekonomikasy tyǵyz bailanysty, onyń ústine Eýraziialyq ekonomikalyq odaq ta bar», - dedi Sanat Kóshkimbaev.
