«Samuryq-Qazyna» Qazaqstan boiynsha shaǵyn jáne orta biznesti damytýǵa múmkindik beretin elektrondy dúken arqyly satyp alýdyń jańa ádisin engizdi. Bul satyp alý merzimin edáýir qysqartady, dep habarlaidy "Ult aqparat".
Buryn satyp alý ádisi orta eseppen 22-den 43 jumys kúnine deiin sozylatyn jáne 6 qadamdy talap etetin, mysaly: 1 – komissiia qurý, 2 – satyp alý úshin qujattamany daiyndaý; 3 – satyp alý týraly habarlandyrý, 4 – usynystardy qaraý jáne qorytyndylaý, 5 – shart jasasý jáne 6 – jetkizý. Elektrondyq dúken 1-5 jumys kúni ishinde 3 qadamda satyp alýdy kózdeidi: elektrondy dúkende taýardy tańdaý, kelisim-shart jasaý jáne jetkizý.
Skstore.kz elektrondy dúkeni – taýarlardy aimaq, TJQ, quny jáne óndirýshi boiynsha súzgileý múmkindigi bar yńǵaily marketpleis. Búgingi kúni dúkende 6 myńǵa jýyq taýar bar, 44 million teńgeden astam somaǵa 100-ge jýyq kelisim-shart jasalǵan. Dúken satýshysy bolý úshin skstore.kz saitynda tirkelip, usynys kelisimin jasaý qajet. Internet-dúkenniń operatory QazCloud kompaniiasy bolyp tabylady.
«Elektrondyq dúken qurý ideiasy tutynýshylar úshin satyp alý protsedýrasyn jeńildetý jáne áleýetti jetkizýshilerdiń sanyn kóbeitý nieti boldy. Elektrondy dúkenmen shaǵyn jáne orta biznes ókilderi, ásirese óńirlerdegi saýda geografiiasyn aitarlyqtai keńeitip, biznesti damytýǵa múmkindik beredi. Tapsyrys berýshi taýardy ornalasqan jerine, baǵasyna jáne jetkizý sharttaryna qarai tańdai alady, barlyǵy óte qarapaiym jáne yńǵaily», - deidi «QazCloud» JShS bas direktory Qasym Esergepov.
Aita keteiik, "QazCloud JShS" – AT-infraqurylymyn qoldaý, tehnikalyq qyzmet kórsetý jáne jańǵyrtý, virtýaldy AT-resýrstardy jalǵa alý jáne aqparattyq derekterdi qorǵaý qyzmetterin usynatyn infraqurylymdyq provaider.
