«Samuryq-Qazyna» AQ kompaniialar tobynyń biryńǵai qaiyrymdylyq operatory qoldaǵan «Tabysty otbasy» jobasy arqyly elimizdiń 5 óńirinde 117 adam oqýǵa den qoidy. Onyń ishinde, qazirgi kezde, Túrkistan oblysynda 27 adam tegin kásip kýrstarynan ótýde.
Búgin Túrkistan oblysy aýmaǵynda áleýmettik jelidegi marketing, sulýlyq salondary, aspazdyq kásibi mamandyqtaryn igerip jatqan joba qatysýshylarymen «Samuryq-Qazyna» qorynyń ókilderi kezdesti. Kezdesý barysynda «Samuryq-Qazyna» AQ qoǵammen bailanys, áleýmettik-eńbek qatynastary jáne eńbek qorǵaý jónindegi basqarýshy direktory Ǵibrat Aýǵanov jobanyń mańyzdylyǵy men qoǵamǵa berer paidasyn atap ótti.
«Bul óńirlerdegi jurtshylyqty qoldaýdaǵy biregei jobalardyń biri. Ol aimaqtar men shalǵai aýdandardaǵy turǵyndardyń qajettilikteri men múmkindikterin eskere otyryp júzege asyrylýda. Jobany iske asyrýǵa «Samuryq-Qazyna» AQ kompaniialar tobynyń atynan shamamen 200 mln teńge bólinip otyr. «Tabysty otbasy» jobasy barysynda qatysýshylar tálimgerler men jattyqtyrýshylardan bilim alyp qana qoimai, óz kásibin bastaýda qajetti jabdyqtarǵa ie bolady. Barlyq joba qatysýshylaryna tek sáttilik tileimin», - dedi Ǵibrat Aýǵanov.
«Tabysty otbasy» sheńberinde qatysýshylardy súiemeldeý, tájiribelik treningter, sheberlik sabaqtary kózdelgen. Bul rette ár qatysýshyǵa jeke kózqaras tanytylady.
«Samuryq-Qazyna» AQ kompaniialar tobynyń biryńǵai qaiyrymdylyq operatory – «Samruk-Kazyna Trust» áleýmettik jobalardy damytý qorynyń keshendi qoldaýymen iske asyrylýdaǵy joba halyqtyń neǵurlym osal toptarynyń ókilderin, onyń ishinde kópbalaly jáne az qamtylǵan, sondai-aq jalǵyzbasty jáne erekshe qajettilikteri bar balalardy tárbielep otyrǵan otbasylardy, olardan shyqqan jastardy keshendi oqytýǵa baǵyttalǵan.
Jobaǵa qatysatyn 300 adamnyń tizimi jergilikti atqarýshy organdar tarapynan usynyldy.
«Jumyssyzbyn, alty balanyń anasymyn. Bizdiń oblysta iske asyrylýdaǵy «Tabysty otbasy» jobasyna qatysqanyma óte qýanyshtymyn. Qazirgi sátte Saryaǵash aýdanynda áleýmettik jelidegi marketing mamandyǵyn tańdap, sol boiynsha kýrstan ótip jatyrmyn. Aldaǵy ýaqytta qajet bolatyn aqparatty igerýdemin. Bolashaqta ózimniń kásibimdi ashamyn. Alǵysym sheksiz!», - dep oiymen bólisti jobaǵa qatysýshy Dinara Qaltaeva.
«Men kópbalaly anamyn. Jasym 36-da. Búginde aspaz kásibin igerý úshin jobaǵa qatysyp otyrmyn. Osy jobaǵa kelgenime óte qýanyshtymyn. Uiymdastyrýshylarǵa, tálimgerlerge úlken rahmet. Bolashaqqa úlken qadam jasaýǵa keremet múmkindik berip jatyrsyzdar, osyny barynsha paidalanýǵa tyrysamyn», - dep alǵysyn jetkizdi kelesi jobaǵa qatysýshy Sáýle Ábdirahmanova.
Biregei jobanyń qatysýshylary qysqa merzimde óz isin ashý úshin barynsha bilim men daǵdylardy alady. Bir ailyq oqýdan ótken túlekterdi, tájiribeli tálimgerler úsh ai boiy súiemeldep otyrady. Joba sońynda Ulytaý, Abai, Jetisý, Aqtóbe jáne Túrkistan oblystaryndaǵy bes baǵyt boiynsha arnaiy mamandyq igergen qatysýshylarǵa sertifikat tabystalady. Atap óter jait, oqýdy sátti aiaqtaǵandarǵa óz isin ashý úshin qoldaý qarjylai emes, úirengen kásibine qajetti qural-jabdyq túrinde beriledi.
Oqýdyń ekinshi kezeńi qańtar aiynda qolǵa alynyp, 183 qatysýshy tiginshilik, aspazdyq, sulýlyq salondary, elektr mehanigi jáne áleýmettik jelidegi marketing baǵyttary boiynsha qamtylady dep josparlanyp otyr.
«Tabysty otbasy» qaiyrymdylyq jobasyn iske asyrý kezenderi týraly aqparat BAQ betinde jáne @tabysty.otbasy instagram paraqshasynda ornalastyrylady.
