«Samuryq-Qazyna» AQ kompaniialar toby atynan biryńǵai qaiyrymdylyqtyń operatory «Samruk-Kazyna Trust» qorynyń qarjylandyrýymen júzege asqan «Basqarylatyn gipotermiia» jobasynyń sońǵy nátijelerimen bólissek. 2021 jyldyń mamyr aiynan 2023 jyldyń sáýir aiyna deiingi aralyqta avtomatty gipotermiia jabdyqtarynyń alty apparaty arqyly 40 jańa týǵan náreste qutqarylyp otyr.
«Samuryq-Qazyna» AQ kompaniialar toby atynan qazirgi zamanǵy gipotermiia apparattary men entsefalografiia monitorlaryn ótken jyldary Qaraǵandy, Taldyqorǵan, Aqtaý, Óskemen, Oral qalalaryndaǵy bes oblystyq perinataldyq ortalyq jáne Shymkent qalasynyń qalalyq perinataldyq ortalyǵy alǵan. Jabdyqtardyń jalpy quny 132 million teńgeni quraidy.
Mysaly: Qaraǵandy oblystyq kópbeiindi aýrýhananyń perinataldyq ortalyǵynda avtomatty gipotermiia apparatynda aýyr jáne ortasha aýyr asfiksiiamen týǵan 23 bala aman qaldy. Gipotermiia apparattary ornatylǵannan keiin Aqtaý da – 8, Shymkentte – 7, Taldyqorǵan da – 2 sábige kútim jasaýǵa paidalanyldy.
Gýliara Qylyshjanova qyzynyń týǵan kezdegi barlyq kúizelisterin áli kúnge deiin umytpaǵanyn aityp, oiymen bólisti:
- Maǵan balamnyń týǵan sátinde onyń tunshyǵyp qana qoimai, uryq mańyndaǵy sýdy da jutqany týraly aityldy. Qyzym sonshalyqty kishkentai ári dármensiz bolǵan, bul meniń alǵashqy bosanýym edi, ne isteý kerektigi týraly eshteńe bilmedim. Dárigerler meniń qyzymdy gipotermiia apparatyna birden qosyp qoidy. Olar bul zamanaýi apparat ekenin jáne ol meniń qyzymnyń ómirin saqtap qala alatynyn aitty. Bul apparatsyz ne bolatynyn elestetýdiń ózi qorqynyshty. Qazir qyzym segiz aidan asty, bári jaqsy: ol tamaq ishedi, uiyqtaidy, kúledi.
Jazira Qylyshaeva, egiz balalardy dúniege ákelgen. Osy apparattyń arqasynda kishkentaiyń qalai aman alyp qalǵanyn aityp berdi:
- Meniń qyzdarymnyń birine jańa týǵan náresteniń tserebraldy depressiiasy degen diagnozy qoiyldy. Bosanǵannan keiin dárigerler balaǵa kómektesýge bolatynyn habarlaǵan kezde men áli esimdi jimaǵan edim. Osy tusta, dárigerlermen, «Samruk-Kazyna Trust» qoryna óz alǵysymdy jetkizgim keledi. Osy apparattyń arqasynda meniń kishkentai balam aman qaldy, búginde ol kúsh jinap keledi. Onyń jaǵdaiy qazir jaqsy!
Aizada Qaiyrbaeva, kópbalaly ana. Sońǵy júktiliginiń aýyr bolǵanyn aityp, alǵysyn jetkizdi:
- Bul meniń tórtinshi júktiligim. Bul joly bári josparymdaǵydai bolmady. Meni jańa týǵan ulymmen birge aýdandyq perzenthanadan Oblystyq perinataldyq ortalyǵyna aýyr asfiksiia diagnozymen alyp keldi. Ortalyqqa túsken sátte balamdy birden gipotermiia apparatyna qosty. Apparat ulymdy qutqarýǵa kómektesti! Men osyndai qajetti apparatty satyp alýǵa kómektesken meiirimdi jandardyń arqasynda ulymdy qushaqtap, súiip júrmin. Ol bizge óte jaqsy kómektesti.
Mamandandyrylǵan jabdyq paida bolǵanǵa deiin reanimatsiiada qolda bar quraldarmen mehanikalyq gipotermiia qoldanylyp, bul árqashan qanaǵattanarlyq nátije bermedi. Qajetti temperatýrany 72 saǵat boiy týra 34 gradýs ustap turý, al sodan keiin balany birtindep jylytý óte qiynǵa soqty. «Samuryq-Qazyna» AQ-nyń «AYALA» qaiyrymdylyq qorymen seriktestikte kórsetken kómeginiń arqasynda perinataldyq ortalyqtardyń reanimatsiialarynda bul eńbekti kóp qajet etetin úderis endi tolyq avtomattandyrylǵan. Nátijesi - onda qutqarylǵan balalardyń ómiri men fýnktsionaldyq densaýlyǵy.
«Sońǵy aitylǵan sandarǵa qaraityn bolsaq, «Basqarylatyn gipotermiia» jobasynyń jemisi áserli bolyp otyr. 2021-2022 jyldary biz náresteler ólim-jitiminiń deńgeii men balalar reanimatsiiasyn aldyńǵy qatarly meditsinalyq tehnikamen qamtamasyz etý máselesi ótkir turǵan 6 óńirge arnalǵan jabdyqty satyp alýǵa 132 mln. teńge somasynda qarjylai qoldaý kórsettik. Densaýlyq saqtaý salasyndaǵy óńirlik jobalardy qoldaý - «Samuryq-Qazyna» AQ úshin mańyzdy basymdyqtardyń biri. Bul elimizdegi balalar ólimin qysqartý syndy ótkir áleýmettik máseleleni sheshýge kompaniialar tobymyzdyń qosqan úlesi», - dep atap ótti «Samruk-Kazyna Trust» áleýmettik jobalardy damytý qorynyń bas direktory Alfiia Adieva.
Terapiialyq gipotermiiany jańa týǵan náresteniń ómiriniń alǵashqy saǵattarynda qoldaný qajet. Apparat jańa týǵan náresteniń dene temperatýrasyn avtomatty túrde birtindep tómendetedi jáne ondaǵan saǵat boiy ony qajetti deńgeide ustaidy. Tek bul bala aǵzasyndaǵy metabolizmdi ózgertýge, onyń bas miyn gliýkozamen qamtamasyz etýge jáne sol arqyly ortalyq júike júiesiniń jasýshalaryn qorǵaýǵa jáne qalpyna keltirýge múmkindik beredi. Gipotermiia apparatyna jiyntyqta júretin amplitýdalyq elektrentsefalografiia monitory dárigerlerge qoldanylatyn terapiiany baqylaýǵa jáne tiimdi túzetýge kómektesedi.
