«Samuryq-Qazyna» AQ Basqarma tóraǵasy Nurlan Jaqypov jumys saparymen Mańǵystaý oblysynda boldy. Qor basshysy «Sarsha» gaz qubyry, «CASPI BITUM» JShS, «Aqtaý» teńiz porty syndy birneshe nysanǵa bas suqty, dep habarlaidy Ult portaly.
Nurlan Jaqypovtyń aitýynsha, «Sarsha» gaz qubyry jarty jylǵa keshigip paidalanýǵa berildi.
«Gaz qubyry qurylysynyń keshigýi merdigerdiń aýysýy men qarjylandyrý máselesine bailanysty. Bul qiyndyqtardy birige jeńgenimiz jaqsy. Quny 7,5 mlrd teńge bolatyn óńir úshin strategiialyq mańyzdy joba aiaqtaldy. Sondyqtan sapardy dál osy nysannan bastaý mańyzdy edi», - deidi Qor basshysy.
Uzyndyǵy 60 shaqyrym bolatyn jerasty qubyry Aqtaý mańyndaǵy Sarsha aýdany men «Jyly jaǵajai» kýrort aimaǵyn gazdandyrýǵa múmkindik berdi. Joba týristik nysandarǵa investitsiia tartýǵa jáne óńirdegi kásipkerlikti damytýǵa septigin tigizedi.
Nurlan Jaqypov «CASPI BITUM» JShS zaýyty basshylyǵy aldyna óńdeý qýatyn 1,5 esege, jylyna 1,5 mln tonnaǵa deiin ulǵaitýǵa qaýqarly merdigerdi tartý mindetin qoidy.
Sonymen qatar qor basshysy tutynýshylar tarapynan bitýmǵa ýaqytyly aldyn ala tapsyrys jasaý qajetin atap ótti. Qys pen kóktem arasyndaǵy bitýmǵa degen suranystyń tómendiginen jáne tutynýshylar tarapynan aldyn ala tapsyrystardyń bolmaýynan zaýyt tolyq qýatta jumys istemeidi. Bul rette dástúrli túrde jyl saiyn jol-qurylys jumystarynyń suranysy boiynsha suraq týyndaidy. Qor basshysy jol-qurylys kompaniialarymen osy baǵyttaǵy jumysty bastaýdy jáne toǵanaqtalǵan bitýmdy qoldanýdy keńeitý múmkindikterin qarastyrýdy tapsyrdy.
Aqtaý teńiz saýda portynda «Samuryq-Qazyna» AQ Basqarma tóraǵasy «Quryq» portynyń, Aqtaý teńiz soltústik terminalynyń jáne Qaztortransflottyń qyzmetimen tanysty.
Eýropa elderi «Orta baǵytqa» nemese THKB-ǵa erekshe qyzyǵýshylyq tanytyp otyr. Sondyqtan Qazaqstan ósip kele jatqan halyqaralyq básekelestik jaǵdaiynda júkterdi jetkizý úshin neǵurlym qaýipsiz seriktestiń rólin qamtamasyz etýi tiis. Osyǵan bailanysty Qor basshysy Kaspiidiń taiazdanýy jáne Aqtaý men Quryq porttarynyń sý aidynyn tereńdetý, sondai-aq júk ainalymynan strategiialyq, aldaǵy onjyldyqtarǵa arnalǵan boljamdy stsenariilermen tabys almaý máselesin sheshýge jaqyndaýdy usyndy. Nurlan Jaqypov aitqandai, konteinerlik hab jobasyna qatysty áli kúnge deiin investorlardyń eshqaisysymen naqty kelisimder jasalmaǵan. Ol osy jobany iske asyrý qarqynyn jedeldetýdi tapsyrdy.
