«Tsifrlyq jaz» baǵdarlamasynyń aiasynda tájiribeden ótken 78 adamnyń 11-i «Samuryq-Qazyna» ulttyq ál-aýqat qory» AQ-nyń portfeldi kompaniialaryna jumysqa ornalasty, dep habarlaidy Ult.kz portaly qordyń baspasóz qyzmetine silteme jasai otyryp.
IT-mamandarǵa arnalǵan úsh ailyq tájiribe almasý baǵdarlamasy Jastar jylyna orai, jastardy qoldaý men damytýǵa baǵyttalǵan «Jas Samuryq» jobasynyń aiasynda júzege asqanyn aita ketý kerek.
«Tsifrlyq jaz» baǵdarlamasynyń múmkindikterine toqtalǵan «Samuryq-Qazyna» UÁQ» AQ tsifrlandyrý men transformatsiialaý jónindegi basqarýshy direktory Dáýren Kereibaevtyń aitýynsha, tájiribeden ótken jas mamandarǵa elimizdiń eń úzdiń IT-mamandary bilim bergen.
«IT salasyndaǵy tehnologiialar búgin shyǵyp, erteń eskirip jatady. Sondyqtan, «Tsifrlyq jaz» baǵdarlamasy talanatty jastarǵa óz bilimderin sózben emes, ispen kórsetýge zor múmkindik beredi. Ózderińiz biletindei, biyl baǵdarlamanyń sharttary ońai bolǵan joq. Soǵan qaramastan, tájiribeden ótken 78 jas myqty daǵdylaryn baiqatyp, elimizdegi eń úzdik IT mamandardyń tájiribesin kórdi jáne básekege qabiletti qyzmetker bolý úshin ozyq tehnologiialardy qalai paidalaný kerektigin bildi. Osy aitylǵan mamandardyń ishinen 11 túlek Qordyń kompaniialar tobyna jumysqa turdy», - deidi ol.
«Tsifrlyq jaz» baǵdarlamasynyń ekinshi kezeńi IT salasyndaǵy alty baǵytty qamtydy. Onymen qosa, jazǵy praktika kezinde árbir stýdentke ai saiyn 50 000 teńge shákirtaqy tólengen.
Jalpy, 2019 jyldyń 17 maýsymy men 29 tamyzy arasynda jas mamandar «Qazaqstan temir joly» UK» AQ, «KEGOK» AQ, «Qazposha» AQ, «QazTransAimaq» AQ, «QazTransGaz» AQ, «Ksell» AQ, «QazMunaiGaz» UK» AQ, «Samuryq-Qazyna» AQ, «Samuryq-Energo» AQ, «Eir Astana» AQ, «Qazaqtelekom» AQ, «Qazatomónerkásip» UAK» AQ, "QazCloud" JShS jáne "Samrýk-Kazyna Biznes Servis" JShS siiaqty alpaýyt kompaniialarda tájiribeden ótti.
Aita ketken jón, Qordyń basqarma tóraǵasy Ahmetjan Esimov qorǵa qarasty kompaniialarǵa jas ári talanatty jastardy iriktep alýǵa múmkindik beretin «Tsifrlyq jaz» baǵdarlamasyna oń baǵa bergen bolatyn. Jobanyń biregei ereksheligi sonda, jastar SAP, Microsoft, Oracle, Cisco, HP, IBM, Huawei siiaqty iri aglomerat ónimderimen jumys istep kóredi. 2018 jyly osy baǵdarlama boiynsha 72 IT-maman tájiribeni sátti aiaqtap, 33-i jumysqa ornalasqan edi.
