Eýraziialyq integratsiia institýtynyń sarapshysy Samat Nurtaza «QR-da beibit jiyndardy uiymdastyrý jáne ótkizý tártibi» týraly zań jobasyna qatysty pikir bildirdi, dep habarlaidy QazAqparat.
«Búgin beibit jiyndar týraly zań jobasyn talqylaimyz. Ártúrli pikirlerdiń aitylýy ǵajap emes. Álbette bizge liberalizatsiia kerek. Sebebi meniń óz basym mitingini naqty bir jerde ótkizý kerek degenge sál-pál kelispeimin. Sebebi azamattar Eýropa bolsyn, Amerika bolsyn ortalyq alańǵa jinalady. Sondyqtan bizde de ortalyq alańdarda jinalsa eshqandai qorqynysh joq dep oilaimyn. Sol mitingini uiymdastyrýshylardyń ózderi birinshi jaýap berýi kerek. Máselen Eýropada qatelespesem, uiymdastyrýshylar beibit jiynnan soń qoqysqa deiin ózderi tazartyp ketedi. Meniń pozitsiiam osyndai», - dedi ol elordada zań jobasynyń tujyrymyn talqylaý barysynda.
Sonymen qatar, sarapshy beibit jiyndarǵa qatysatyn azamattardyń sany 250 adamnan aspaý kerek degen máselege qatysty ártúrli pikirler aitylyp jatqanyn jetkizdi.
«Meniń oiymsha, bul - alǵashqy qadam. Sebebi bizdiń halyq 100 paiyz demokratiiada ómir súrip jatqan joq. Mysaly Ulybritaniia nemese Eýropa elderi sekildi HII-HIII ǵasyrdan beri demokratiialyq qoǵamda kele jatqan joqpyz. Sondyqtan, meniń oiymsha, aldymen bizge 250 adam degen jetkilikti. Odan keiin múmkin kelesi jyldardan bastap sanyn kóbeitýge bolady. Óz basym kishkentai balalardy mitingige alyp kelýge qarsymyn. Sebebi kishkentai balalar syrtqy kúshterdiń qurbany bolyp ketedi», - deidi ol.
Eske sala ketsek, QR Aqparat jáne qoǵamdyq damý vitse-ministri Daniiar Esin Ádilet ministrliginde ótken vedomstvoaralyq komissiia otyrysynda «Qazaqstan Respýblikasynda beibit jiyndardy uiymdastyrý jáne ótkizý tártibi» týraly zań jobasynyń tujyrymyn tanystyrǵan bolatyn.
