QR Qarjy ministri Erulan Jamaýbaev saladaǵy tsifrlyq transformatsiianyń negizgi ustanymdaryn aitty, dep habarlaidy QazAqparat.
«Memleket basshysy halyqqa Joldaýynda biýdjettiń kiris bóligin barynsha arttyrý týraly tapsyrma bergen bolatyn.
Sondyqtan, salyqtyq jáne kedendik ákimshilendirýdi tsifrlandyrý biz úshin mańyzdy baǵyttardyń biri bolyp otyr. Bul rette, tiisti basty maqsattar men mindetterdi eskerý kerekpiz. Birinshiden, jeke tulǵalar men biznes úshin salyqtyq mindetterdi oryndaýdyń qarapaiymdylyǵyn qamtamasyz etý. Ekinshiden, kóleńkeli ekonomika úlesin qysqartý úshin tiimdi tetikterdi jasaý. Úshinshiden, sheshim qabyldaý kezinde adami faktorlardy azaitý. Osyǵan orai, tsifrlyq transformatsiia 5 printsipke negizdelgen», - dedi Jamaýbaev Májilistegi Úkimet saǵatynda.
Onyń aitýynsha, birinshi baǵdar - azamattar úshin barynsha jaily ári qolaily ahýal ornatý. Ekinshisi - adaldyqty yntalandyrý, iaǵni salyqtardy ózderi erikti túrde tóleýi úshin barynsha jaǵdailar jasaý. Úshinshisi - qashyqtan ákimshilendirý. Sheshim qabyldaǵan kezde adami faktordy boldyrmaý, al azamattar zań buzýshylyqtaryn ózderi joiýǵa múmkindik alýy tiis. Tórtinshisi – zań buzýshylyqtardyń aldyn-alý. Iaǵni onyń bastapqy satysynda anyqtalýy men aldyn alý boiynsha sharalar qabyldaý. Besinshi baǵdar - júielerdi ońtailandyrý. Jańa tehnologiialar men mikroservistik arhitektýraǵa kóshý.
