Foto: Aqorda
Memleket basshysy Qasym-Jomart Toqaev jańa Salyq kodeksine jáne «Salyq salý máseleleri boiynsha keibir zańnamalyq aktilerge ózgerister men tolyqtyrýlar engizý týraly» zańǵa qol qoidy. Bul qadam elimizdiń salyq júiesin jeńildetýge, ádil ári túsinikti etýge baǵyttalǵan, dep habarlaidy Ult.kz.
🔹 Salyqtyq esep berý jeńildeidi
Jańa kodekste salyq eseptiliginiń kólemi 30%-ǵa qysqaryp, salyqtardyń sany 20%-ǵa azaiady. Budan bólek, jeńildikter men alymdar júiesi de ońtailandyrylady.
🔹 QQS mólsherlemesi ózgerdi
Qosylǵan qun salyǵynyń (QQS) jańa bazalyq mólsherlemesi 16% bolyp belgilendi. Alaida birqatar áleýmettik mańyzdy qyzmetter úshin tómendetilgen mólsherlemeler engiziledi:
-
Dári-dármek pen meditsinalyq qyzmetterge – 2026 jyldan bastap 5%, 2027 jyldan – 10%.
-
Kitap shyǵarý, arheologiia, orfandyq jáne áleýmettik máni bar aýrýlardy emdeý jáne memlekettik meditsinalyq qyzmetter QQS-tan tolyq bosatylady.
-
Baspasóz ónimderin ótkizýge – 10% mólsherleme belgilenedi.
🔹 Kásipkerler men halyq úshin ońtaily ózgerister
-
QQS tirkeý shegi 40 million teńgege (10 myń AEK) deiin tómendetildi.
-
10 jyldan artyq paidalanylǵan kólikterge salynatyn salyq azaityldy.
-
Múgedektigi bar azamattar úshin áleýmettik shegerim 882 AEK-ten 5000 AEK-ke deiin artty.
-
Zeinetaqy tólemderi (BJZQ) jeke tabys salyǵynan bosatylady.
🔹 Arnaýly salyq rejimderi ońtailandy
Endi arnaýly rejimder tek úsh sanat úshin qoldanylady:
-
Ózin-ózi jumyspen qamtyǵandar;
-
Ońailatylǵan deklaratsiiamen jumys isteitinder;
-
Sharýa qojalyqtary.
🔸 Ózin-ózi jumyspen qamtyǵandar salyqty mobildi qosymsha arqyly tólei alady.
