QR Qarjy ministrliginiń birinshi vitse-ministri Berik Sholpanqulov salyq raqymshylyǵyn kóbirek paidalanǵan óńirlerdi atady, dep habarlaidy "Ult aqparat".
«Aimaqtardy alyp qaraityn bolsaq, salyqtyq raqymshylyqty kóbirek paidalanǵan kásipkerler kelesi óńirlerde tirkelip otyr: Almaty qalasy (6 513 ShOB sýbektisi), Túrkistan oblysy (5 196 salyq tóleýshi), Almaty oblysy 5 054 (salyq tóleýshi), Nur-Sultan qalasy (3 729 salyq tóleýshi). Syzylyp tastalǵan ósimaqylar men aiyppuldyń iri mólsheri (1,1 mlrd teńge) Almaty qalasynda tirkeldi. Odan keiingi oryndarda Aqtóbe oblysy (1,0 mlrd teńge), Nur-Sultan qalasy (750,0 mln teńge), Qostanai oblysy (413,0 mln teńge) tur», - dedi Berik Sholpanqulov OKQ-da ótken baspasóz máslihatynda.
Vitse-ministr sonymen birge ekonomikalyq salalar boiynsha jeńildikti paidalanǵan sanattardy atady.
«Ekonomikalyq baǵyty boiynsha salyqtyq raqymshylyqty kóbirek paidalanǵandardyń aldyńǵy qatarynda jappai jáne bólshektik saýda salasynyń ókilderi tur. Osylaisha, jalpy tólengen salyqtar men bereshekterdiń 75 paiyzyn atalmysh sanattaǵy 33 130 salyq tóleýshi ótegen. Sonymen birge qyzmet kórsetý salasynda 3 327 salyq tóleýshi jalpy kórsetkishtiń 15 paiyzyn, aýyl sharýashylyǵy salasyndaǵy 2 209 kásipker 5 paiyzyn tólegen. Shaǵyn jáne orta bizneske arnalǵan salyqtyq raqymshylyqty qorytyndylai otyryp, bul baǵyttaǵy jumys biznesti jigerlendirgenin baiqaimyz», - deidi ol.
Eske sala ketsek, elimizde salyq raqymshylyǵy bastalǵaly bul jeńildikti 44 397 salyq tóleýshi paidalanǵan.
