QR QM Memlekettik kirister komiteti osy jyldyń sońyna deiin shaǵyn jáne orta kásipkerlik sýbektilerine salyqtyq raqymshylyq júrgiziletindigin eskertti, dep habarlaidy "Ult aqparat".
Komitet málimetinshe, búgingi kúni 43 755 salyq tóleýshi salyq raqymshylyǵyn qoldanyp, 15,3 mlrd teńge somasyndaǵy bereshegin ótedi. Olarǵa 5,2 mlrd teńge ósimpul jáne 0,3 mlrd teńge aiyppul somasy esepten shyǵaryldy.
Sondai-aq, osy jyldyń tamyz aiynan jeke tulǵalarǵa arnalǵan salyqtyq raqymshylyq júrgizilip jatyr. Salyqtyq raqymshylyq aiasynda el azamattary ótken jyldar úshin salyqtyq mindettemelerine orai negizgi qaryz somasyn tólegen jaǵdaida olarǵa ósimpuldar shegeriledi. Qazirgi ýaqytta 12,6 mlrd teńge bereshegin tólegen 549 myńnan astam azamattyń 2,3 mlrd teńge ósimpuly esepten shyǵaryldy.
«Osy jyldyń sońyna deiin sanaýly kúnder qaldy. Osyǵan bailanysty negizgi qaryzdy óteýge jáne salyqtyq raqymshylyqty paidalanýǵa asyǵyńyz», - dep eskertedi komitetten.
