CC0 / Pexels /
Mádeniet jáne sport ministri Dáýren Abaev qazaqstandyq ártister men kontsert uiymdastyrýshylary úshin aiyppul mólsherin alatyn gonorar mólsherine deiin arttyrýdy usyndy, dep habarlaidy Sputnik Qazaqstan.
Onyń aitýynsha, mundai shara arqasynda ártisterdiń qatysýymen bolǵan jaǵymsyz jaǵdailar azaiady.
"Bizge ártisterdiń de, kontsert uiymdastyrýshylardyń da jaýapkershiligin arttyrý qajet. Qazir kontsert uiymdastyrýshylary men ártisterge kontsert úshin alynatyn gonorar mólsherinde aiyppul salý týraly normany talqylaimyz. Óitkeni sahnada mas kúiinde óner kórsetetin ártisterge aiyppul mólsheri kóshede júrgen mas adamnyń tóleitin aiyppulyna teń bolyp tur", - dedi ministr jýrnalist Nartai Aralbaiulyna bergen suhbatynda.
"Ártisterdiń óner kórsetýine 5 jyl nemese ózge merzimge shekteý qoiýǵa bolmaidy dep sanaimyn. Bul ártisterdiń elden ketýine nemese tolyǵymen jelige aýysýyna ákelýi múmkin", - dep qosty ol.
25 mamyrda Almatydaǵy Balýan Sholaq saraiynyń sahnasynda tanymal "Irina Kairatovna" tobynyń jáne reper Shiza kontserti ótti. Ártister alǵash ret Kok tu birlesken ánin usynyp, Qazaqstannyń memlekettik týyn tómen túsirdi. Bul oqiǵa úshin top múshesi Azamat Marklenov keshirim surady.
Ol sahnadaǵy orynsyz minez-qulyqtyń sebebi sahnaǵa mas kúiinde shyǵý ekenin aitty. Keiin senator Nurtóre Júsip ártisterdi memlekettik rámizderdi qorlaǵany jáne ádepsiz sózder aitqany úshin sahnadan bes jylǵa shettetýge shaqyrdy.
