Búgin «Karantindegi juldyz» jobasy aiasynda Sáken Maiǵaziev onlain-kontsert beredi, dep habarlaidy "Ult aqparat".
«Mádeniet jáne sport ministrligi men «Qazaqtelekom» AQ birlesip qolǵa alǵan joba aiasynda búgin qazaqstandyqtar Sáken Maiǵazievtyń áýezdi ánderin tyńdaityn bolady. Aldaǵy ýaqytta tyńdarmandardyń ystyq yqylasyna ie bolǵan birqatar óner maitalmanyna alań usynbaqpyz. Memleket basshysynyń búgin bergen baǵasy biz úshin zor jaýapkershilik júkteitin úlken abyroi. Aldaǵy ýaqytta da elimizge tótennen kelgen qiyndyqty birge eńserýge óz úlesimizdi qosamyz. #Birgemiz», - dedi Mádeniet jáne sport ministri Aqtoty Raiymqulova ministrliktiń Facebook paraqshasynda jariialanǵan aqparatta.
Elimizde tótenshe jaǵdai jariialanyp, jurt qiyndyqty eńserýge «#Birgemiz» dep kirisken tusta, Mádeniet jáne sport ministrligi birneshe onlain-jobany qolǵa alǵan edi. Olardyń arasynda óner súier qaýymǵa arnalǵan «Karantindegi juldyz» jobasy da bar. 23-naýryzdan bastaý alǵan joba aiasynda keshe kórermender tikelei efirde elimizdiń maqtanyshy Roza Qýanyshqyzynyń ánderin tyńdady. Ózderiniń onlain-kontsertterin buǵan deiin Jubanysh Jeksenuly, Jeńis Seidollauly, Ǵadilbek Jańai bergen bolatyn. Azǵantai ýaqytta kórermenin taýyp, ómirsheńdigin kórsetken juldyzdy joba onlain formatta jalǵasa beredi.
Aita keteiik, búgin Memleket basshysy Qasym-Jomart Toqaev estrada ánshisi Roza Rymbaevaǵa onlain-kontsert úshin alǵys bildirgen bolatyn.
