Foto: ashyq derekkózden
Jaqynda tuńǵysh balasyn úilendirip, oflain da ondain toi jasaǵan Sáken Maiǵaziev kelininiń qalyńmaly týraly aitty, dep habarlady Ult.kz.
«Balam men anasy Aqtaýǵa bir-eki kún buryn ushyp ketken. Sol kezde konvertke salyp, 5 mln teńge ala kelińiz dedi. Basqa eshnárseden habarym joq. Óz basym qalypty jaǵdai shyǵar dep qabyldadym. Ana súti, óli-tirisi dep jatady, konvertteriniń syrtynda sondai jazýy bolady eken. Buryn-sońdy ondai jaǵdaiǵa asa aralaspaǵannan keiin habardar emes ekenmin», - dep aǵynan jarylǵan ánshi bireýden asyryp bergen, az bergen, baqtalastyqpen jasaǵan eshnársesi joq ekenin jetkizdi.
Onyń sózinshe qalyńmaldy qalai bergende de áńgime bolar edi.
«Menińshe, eger 5 mln teńgeni qymbatsynyp jatqan bolsa, odan az bersem, jarymai ne boldy dep aitar edi. Odan kóp bersem, árine, olar solai jasaidy dep taǵy aitady. Ondai áńgimeniń bolary haq. Aitatyn adam da tabylady. Oǵan qýana bilý kerek. Osy sátte aitarym, bizge de 5 mln teńge qalyńmal kelsin dep tileimin. Odan artyq eshnárse aitpaimyn», - dedi Sáken Maiǵaziev.
