Quryltai depýtattaryn sailaýǵa shetelde júrgen 11 myńnan astam qazaqstandyq qatysady. Tańdaý jasaýǵa arnalǵan alǵashqy saǵattardyń ózinde 228 otandasymyz daýys berip úlgergen, dep habarlaidy ult.kz.
Bul týraly Syrtqy ister ministriniń orynbasary Arman Isetov málimdedi.
Onyń aitýynsha, sheteldegi qazaqstandyqtardyń konstitýtsiialyq quqyǵyn júzege asyrýy úshin 61 memlekette Qazaqstannyń diplomatiialyq ókildikteri janynan 79 sailaý ýchaskesi uiymdastyrylǵan. Ondaǵy tirkelgen sailaýshylar sany – 11 402 adam.
— Saǵat 08:00-degi jaǵdai boiynsha shetelde 26 sailaý ýchaskesi ashyldy. Alǵash bolyp Tokio men Seýl qalalaryndaǵy otandastarymyz daýys berýdi bastady. Qazirgi ýaqytqa deiin sailaý ýchaskelerine kelip, tańdaý jasaǵan azamattar sany – 228 adam, — dedi Arman Isetov.
Al el ishinde saǵat 07:00-degi málimet boiynsha 10 363 sailaý ýchaskesi jumysyn bastaǵan.
Biylǵy Quryltai sailaýynda 145 depýtattyq mandat sarapqa salynǵan. Sailaýǵa jeti saiasi partiia – «Ádilet», JSDP, «Baitaq», Qazaqstan Halyq partiiasy, «Aýyl», «Aq jol» jáne Respublica partiialary qatysyp otyr. Olardan barlyǵy 545 kandidat tirkelgen.
Sheteldegi qazaqstandyqtardyń da daýys berýi – elden jyraqta júrgen azamattardyń saiasi naýqannan tys qalmai, óz tańdaýyn jasaýǵa múmkindik alǵanyn kórsetedi.
