Saiasattanýshy Ǵaziz Ábishev Ulttyq qor qarajatyn qazir paidalaný máselesine qatysty pikir bildirdi. Onyń aitýynsha, qordan bólinetin qarajattyń bir bóligin qazir áleýmettik infraqurylym nysandaryn salýǵa baǵyttaý ekonomikany qoldaýǵa jáne halyqqa qajetti nysandardy jedel salýǵa múmkindik beredi, dep habarlaidy ult.kz.
"Úkimettiń Ulttyq qordan beriletin transfertterdi odan ári paidalaný máselesi talqylanyp jatyr.
Menińshe, Úkimet Prezident Qasym-Jomart Toqaevtyń tapsyrmasyn oryndap otyr. Bul týraly Prezident Quryltai depýtattaryn sailaý kúni de aitqan bolatyn.
Máseleniń máni mynada: Ulttyq qor qarajatynyń belgili bir shaǵyn bóligi úsh jyldyq biýdjette qarastyrylǵan áleýmettik infraqurylym nysandaryn salýǵa baǵyttalmaq.
Munda birneshe máseleni eskerý qajet.
Birinshiden, tek biýdjet qarajaty esebinen qurylys júrgizý uzaqqa sozylýy múmkin, al halyq kúte almaidy.
Mektepter, aýrýhanalar, joldar men kópirler qazir qajet. Ásirese halyq tyǵyz ornalasqan ońtústik óńirlerde bul másele ózekti.
Ekinshiden, bul daǵdarys kezeńinde ekonomikany yntalandyrýǵa múmkindik beredi.
Úshinshiden, álemdegi infliatsiiany eskersek, qurylysty keiinge qaldyrǵannan góri, qazir bastaǵan tiimdi bolýy múmkin. Óitkeni aqshanyń ózi de qunsyzdanady", - dep otyr saiasattanýshy.
