Almaty qalasynyń ákimi Baqytjan Saǵyntaev Jasyl Almaty aktsiiasy kezinde, Kóktóbege sivers almasy men qyzǵaldaq kóshetterin tolyq otyrǵyzbai ketkeni úshin jasyl ekonomika basqarmasynyń basshysy Erjan Seitenovke sógis jariialady, dep habarlaidy "Ult aqparat".
«Búgin men Svetlana Spatarǵa erekshe alǵys bildirgim keledi, ol óziniń belsendi azamat ekenin kórsetti. Kóktóbedegi Jasyl Almaty aktsiiasy aiaqtalǵanan keiin, birtalai jemis aǵashy men qyzǵaldaq gúliniń kóshetterin otyrǵyzbai dalaǵa tastap ketkenin aitty. Biz tergeý júrgizdik. Nátijiesinde osy ýchaskege jaýapty ákimdik qyzmetkeri jazalandy. Million aǵash otyrǵyzǵan kezde, ár kóshet otyrǵyzylýy tiis. Ár adam ózine júktelgen mindetke jaýapkershilikpen qaraǵany durys», - dep atap ótti Almaty qalasy ákiminiń orynbasary Erlan Qojaǵapanov.
Ákim orynbasary dalada shashylyp qalǵan barlyq kóshetterdiń, pitomnikke ornalastyrylǵanyn aitty.
Ákimdiktiń baspasóz qyzmetiniń habarlaýynsha, Almaty qalasynyń ákimi Baqytjan Saǵyntaev jasyl ekonomika basqarmasynyń bastyǵy Erjan Seitenovke sógis jariialady.
