Almatyda epidemiologiialyq jaǵdai kúrdeli. Bul týraly onlain brifing barysynda qala ákimi Baqytjan Saǵyntaev málim etti, dep habarlaidy "Ult aqparat".
Epidemiia bastalǵaly beri Almatyda infektsiianyń 35193 jaǵdaiy tirkelgen, onyń 24 012-de aýrý belgileri bar.
«Qaladaǵy epidemiologiialyq jaǵdaiǵa keler bolsaq, jaǵdai kúrdeli. Kúndelikti ósim baiqalady. Ótken táýlikte 595 adamnan koronavirýs anyqtaldy. Onyń 497 simptomdy, 98 simptomsyz. Almatydan jańa shtamdar shyqty. Bul aýrý sanynyń ósimine ákelip otyr», - dedi ákim.
Onyń aitýynsha, aýrýhanalarda 2945 adam em qabyldap jatyr.
«Qalada virýs juqtyrǵandardy qabyldaityn 7011 tósek-oryn ázirlengen. Olar 1, 2 jáne 3-eshelonǵa bólingen. Birinshi jáne ekinshi eshelon boiynsha aýyr jaǵdaidaǵy naýqastardy qabyldaimyz. Qazir 7 myń tósek-orynnyń 5 430 tósek-orny iske qosylǵan jáne onyń 51 paiyzy toldy», - dedi Saǵyntaev.
Aýrýdyń aýyrlyq dárejesine nazar salar bolsaq, jaǵdaiy asa aýyr naýqastar sany - 52, osyndai naýqastar sany artyp keledi.
2362 naýqastyń jaǵdaiy ortasha aýyr.
1 sáýirde 233 naýqas shyǵaryldy.
