Búgin elordada ótken esepti kezdesýde QR Bilim jáne ǵylym ministri Erlan Saǵadiev muǵalimderdiń eńbekaqysyn kóterý jaiynda qoiylǵan suraqqa jaýap berdi, dep habarlaidy QazAqparat.
«Bul óte mańyzdy másele ekeni belgili. Aǵymdaǵy jyly pedagogtardyń kásibi standartyn qabyldaýǵa bailanysty jalpy eńbekaqyny kóterýge niettimiz», - dep toqtaldy ministr.
Onyń sózine qaraǵanda, eńbekaqyny joǵarylatý boiynsha ministrlik tiisti esepteýlerdi jasady.
«Qazaqstanda biýdjet qalai qabyldanatynyn bilesizder, iaǵni biz esepteýlerdi Qarjy ministrligine tapsyramyz, olar óz kezeginde ony Respýblikalyq biýdjettik komissiiaǵa shyǵarady. Odan soń bul másele Parlamenttiń qaraýyna engizilip, depýtattar ózderiniń usynystaryn jasaidy. Biýdjet múmkindigine qarai tiisti sheshim qabyldanady»,-dep túsindirdi Saǵadiev.
Bilim jáne ǵylym ministri atalǵan máselege qatysty barlyq esepteýlerdiń jobasy pedagogikalyq qoǵamdastyqpen kelisilgenin atap ótti.
«Jalpy eńbekti tóleý júiesin ózgertýge tyrysýdamyz», - dep túiindedi ministr.
