Túrki tildes memleketterdiń yntymaqtastyq keńesiniń beiresmi onlain rejimdegi sammitinde Qyrǵyzstan Prezidenti Sadyr Japarov Túrkistan qalasynyń mańyzdylyǵy týraly pikir bildirdi, dep habarlaidy QazAqparat.
«Ejelgi Túrkistan qalasy týraly álem elderi jaqsy biledi jáne shahar túrkitildes elderdiń tarihyna altyn árippen jazylǵan. Bul qala túrkitildes álemniń birliginiń simvoly, sondai-aq túrki órkenietiniń negizi dep aitýǵa bolady», - Japarov.
Osy oraida ol Túrkistan qalasynyń tarihi murasy óte zor ekenin jáne túrki áleminiń óte mańyzdy orny bolyp sanalatynyn atap ótti.
Budan bólek ol Túrki tildes memleketterdiń yntymaqtastyq keńesiniń jumysyna alǵysyn jetkizdi.
«Osy uiym arqyly ekonomikalyq, mádeni, gýmanitarlyq jáne áleýmettik máselelerdi sheshý úshin kóp tarapty qatynystarymyz jalǵastyrýymyz kerek. Uiym elderi koronavirýs infektsiiasy saldaryn eńsere alady degen úmittemin. Bir-birimizge kómek kósetip, túrli kóp tarapty jobalardy jasasaq degen usynys bar. Túrki keńesi investitsiialyq qor jasaýdy uiǵardy jáne bul óte mańyzdy joba», - dedi Qyrǵyzstan Prezidenti.
