Rýdnyi qalasynda 10 avtobýs órtenip ketti, dep habarlaidy "Ult aqparat" oblystyq TJD baspasóz qyzmetine silteme jasap.
Oqiǵa búgin Rýdnyi qalasynyń mańyndaǵy jeke seriktestik bazasynda bolǵan.
«24 tamyz kúni saǵat 04:19-da «Rýdnyi Avtotrans» JShS aýmaǵyndaǵy órt týraly habar tústi. Oqiǵa ornyna 4 arnaiy tehnika men 18 adam jumyldyryldy. Oqiǵa ornyna jetken soń, qyzmetkerler ashyq aýmaqta jolaýshylar avtobýstarynyń janyp jatqanyn anyqtady. Jaǵdaiǵa bailanysty jaqyn mańdaǵy avtobýstardy evakýatsiialaý týraly sheshim qabyldandy. 2-MÓSB jáne nysan ókilderiniń kúshimen 12 avtobýs qaýipsiz qashyqtyqqa shyǵaryldy» delingen TJD aqparatynda.
Tilsiz jaý saǵat 05:10-da tolyǵymen sóndirildi. Órt kezinde 10 avtobýs tolyqtai órtenip ketken, sonymen qatar taǵy 2 kólik búlingen.
Qazir órt sebepteri anyqtalýda.
