Islam Karimov atyndaǵy ǵylymi-aǵartý memorialdy kesheni tóraǵasynyń orynbasary, akademik Tursynáli Qýziev Facebookparaqshasynda Ózmemfilarmoniiasy áielder ansambliniń maidandaǵy sýretin jariialady. Sýrette qazaqtyń birtýar ánshisi, KSRO halyq ártisi Roza Baǵlanova birinshi qatarda otyr.
2011-2013 jyldary Ózbekstan Respýblikasynyń Mádeniet ministri bolǵan, búgingi kúni ǵylymi-aǵartý kesheni direktorynyń orynbasary Tursynáli Qýzievtiń sózine qaraǵanda, sýrettiń artqy jaǵynda «Soltústik-Batys front, Valdai-Torjok aýdany, 1942 qazan» degen jazý bar. Sondai-aq, onda sýrettegilerdiń esimderi jazylǵan.
«Ózmemfilarmoniiasy áielder ansambli alǵy shepte áýe bailanysy komandiri, polkovnik Tokarev Boris Kýzmich, áýe bailanysy komissary, Sovet Odaǵynyń batyry Tarianikpen birge» degen jazý búkil mán-jaidy uǵyndyryp turǵandai.
«1-qatar, soldan ońǵa qarai:
-Roza Baǵlanova;
-Raima Hakimova;
-Mýqaddas Izamova;
-Hadisha Hakimova;
Ǵani Aǵzamov.
2-qatar:
-Gabrielian Sýren Nikitovich;
-Qimmat Borýhova;
-Raziia Karimova;
-Tokarev Boris Kýzmich;
-Rimma Ermatova;
-Tarianik;
-Isahar Akilov;
-Mýrabii Qasymov.
3-qatar;
-Kino-operator Frolov;
-Rýkiia Aiýsheva;
-Fahriddin Sadyqov;
-Gaýhar Rahymova.
-2 ushqysh;
-Habib Rahmanov;
-Babaraim Myrzaev;
-Minovar Safievich Býrnash;
-soldat;
-Barat Baimatov.
Sýrettegi Grigorii Averianovich Tarianik (1913-1979) gvardiia polkovnigi, Soltústik-Batys fronttyń 260-jaqynnan bombalaýshy áýe polki komissary, 4-gvardiialyq bombalaýshy aviatsiialyq Borisov diviziiasyn basqarǵan», dep jazady Tursynáli Qýziev.
Roza Baǵlanova (1922-2011) – soǵystan soń Ózbekstannan elge oralǵan. Qazaqstannyń (1955) jáne burynǵy KSRO halyq ártisi (1967), Halyq qaharmany (1996). Týysqan halyq ókili jariialaǵan bul sýret Roza Baǵlanova ómirin zertteýshiler úshin qundy jádiger bolmaq.
